நீலமலர்கள்

பிஞ்சு பழுத்ததோ?!

2006-06-20T19:58:00.000+03:00

``எத்தனை தரம் சொன்னாலும் கேட்க மாட்டா’’ வசை பாடியபடியே அம்மா தூங்கிக் கொண்டிருந்த மாலாவின் பாவாடையை கால்வரை இழுத்துவிட்டாள். ஒரே மகள் என்பதால் ஏகச் செல்லம் ,தூக்கத்தில்கூட ஒரு கால் எப்போதும் அப்பாவின் இடுப்பில்தான் கிடக்கும்.
`பத்தாம் க்ளாஸ் வந்தாச்சு, இன்னும் கொஞ்சம் கூட விவஸ்தையே இல்லாமல் ஆம்பிள்ளைப் பசங்க கூட கில்லி விளையாடறா, தோட்டக்காரனைப் பின்னால் வைச்சுகிட்டு சைக்கிள் விடப் பழகறா. இதையெல்லாம் நீங்க கண்டுக்கறதே இல்லை, கொஞ்சம் அதட்டி வைக்கலாமில்லையா’ என்று ராஜாவிடம் புலம்பினாள் கவிதா.
`சின்னக் குழந்தையைப் போய் இதெல்லாம் சொல்லி குழப்பாக்கூடாது’ன்னு சுருக்கமாகச் சொல்லிட்டு ஆபீஸ் போயிட்டான்.
சாயங்காலம் வரும்போது தூரத்திலிருந்து பார்த்த மாலா ஓடிவந்து `அப்பா அப்பா ஐஸ்க்ரீம் சாப்பிடப் போலாம்பா’ ன்னு தோளில் மாலையாகத் தொங்கினாள். கவிதா சொன்னதுபோல் சில விஷயங்கள் சொல்லித்தர வேண்டியதுதான் என்று நினைத்துக் கொண்டு பூங்கரங்களை மெதுவாக விலக்கினான், பதிலேதும் சொல்லாமல். அந்த சின்ன பாராமுகத்தைக்கூடத் தாங்க முடியாதவளாய் விருட்டென்று கையை இழுத்துக்கொண்டு ஓடி விட்டாள்.
கொஞ்ச நேரம் ரிலாக்ஸ் செய்த பிறகு, மகளை சமாதானம் செய்யிற மாதிரி,` வாடா, ஐஸ்க்ரீம் கடைக்குப் போகலாம்’னு சொன்னான். பிடிவாதத்தில் அம்மாவைக் கொண்டிருந்தவள் பதிலும் சொல்லாமல் உம்மென்றே இருந்தாள். இரவு படுக்கும்போது அப்பா ஒரு பக்கம், அம்ம ஒருபக்கம் படுக்க இருவர்மீதும் கால் போட்டு படுக்கிறா ஆசாமி, ஒருக்களிச்சு அம்மாவுக்கு அந்தப் பக்கம் படுத்துகிட்டா. ராஜா எவ்ளவோ கொஞ்சியும் கூட சமாதானம் ஆகவில்லை.
நடுராத்திரி பக்கத்தில் ஏதோ சலனம் தெரிந்து லைட் போட்டுப் பார்த்தான். மாலா தேம்பிக் கொண்டிருந்தாள். ஆதரவாக பட்ட அப்பாவின் கையசைவில் ஓடிவந்து ஒட்டிக்கொண்டாள்.
மறுநாள் முழுக்க அவளின் அழுமூஞ்சித்தனம் பெருமைக்காகக் கிண்டலடிக்கப் பட்டது. அவளும் சளைக்காமல், எங்கப்பாவுக்கு நான் பக்கத்திலே இல்லாட்டி தூக்கமே வராது, அதான்’ ன்னு சப்பைக்கட்டு கட்டிக் கொண்டாள்.
யார் கண் பட்டதோ, நாலே மாதத்தில் பிரளயமே புகுந்துவிட்டது அந்த சின்னஞ்சிறு குடும்பத்தில். கவிதாவுக்கு சாதாரண தலைவலியாக ஆரம்பித்த நோவு மூளையில் புற்றுநோய் என்று கண்டறியப்பட்டு ஆஸ்பத்திரியும் வீடுமாக ஒரே அலைச்சல். பொதுத் தேர்வு நெருங்கிக் கொண்டிருந்ததால் மாலா பாட்டியின் பராமரிப்பில் தற்காலிகமாக விடப்பட்டாள். இடையிடையே அப்பா வரும் நாட்களில் அவனது ஆறுதலான அண்மைக்கு ஏங்குபவளாக ஓடிவருவாள்.
இடையில் ஒருநாள் அம்மவைப் பார்க்க ஆஸ்பத்திரிக்குப் போனாள். மகாலட்சுமி மாதிரி தழையத் தழைய பின்னலில் பூச்சூட்டி வலம் வரும் அம்மா, மழுங்க மொட்டையடிக்கப்பட்டு கை மூக்கு என்று எல்லா இடங்களிலும் ட்யூப் சொருகிப் படுத்திருந்த கோலம் அவளை மிகவும் பாதித்து விட்டது. திடீரென்று முதிர்ச்சி வந்துவிட்டதுபோல் அமைதியாகிவிட்டாள்.

மறுபடி அம்மாவைப் பார்க்கப் போகவே இல்லை. அடுத்த மாத இறுதிக்குள்ளாகவே அம்மா நிரந்தரமாகப் ப்ரிந்துவிட்டாள். அப்பாவைப் பார்க்கவே சகிக்கவில்லை. பாதி ஆளாகிவிட்டார். எல்லாக் களேபரங்களும் ஓய்ந்து வெறுமையான அடுப்படியை வெறித்துக் கொண்டிருந்த போது பாட்டி மெதுவாக அப்பாவிடம் சொல்லிக் கொண்டிருந்தாள்` மாலா கொஞ்ச நாள் எங்க கூட இருக்கட்டும் மாப்பிள்ளை’ அப்பா முடியாது என்னுடனே இருக்கட்டுமென்று சொல்லுவார்னு நினைச்சா. ஆனா அப்பாவும் சரின்னு சொல்லிட்டார்.
ஏதோ புரிந்தது போலும் இருந்தது, ஆனால் எல்லாமே குழப்பமாகவும் இருந்தது. இனிமேல் என்னைக்குமே அப்பா இடுப்பில் கால் போட்டுத் தூங்க முடியாது என்ற உண்மை மட்டும் புரிந்தது. இதற்காகவாவது சின்னக் குழந்தையாக இருந்திருக்கலாமோன்னு முதல்தரமாகத் தோன்றியது. மலரும் முன்பே முதிர்ந்துவிட்டதுபோல் ஆனாள் அந்தப் பிஞ்சு!

நல்வாழ்வு குறிப்புகள் -1

2006-06-19T12:50:00.000+03:00

நல்வாழ்வு குறிப்புகள் -1

மனிதனின் நல்வாழ்க்கைக்கு உடல்,உள்ளம் நலமுடன் இருத்தல் மிக அவசியமாகும்.இதை நம்தமிழ் முன்னோர்கள் மிகதெளிவாக
கூறிசென்றுள்ளார்கள்.

‘உடம்பார் அழியின் உயிரார் அழிவர்
திடம்பட மெய்ஞ்ஞானம் சேரவும் மாட்டார்
உடம்பை வளர்க்கும் உபாயம் அறிந்தே
உடம்பை வளர்த்தேன் உயிர் வளர்த்தேனே.’

‘உடம்பை முன்னம் இழுக்கென்றிருந்தேன்
உடம்பினுக் குள்ளே உறுப்பொருள் கண்டேன்
உடம்பினுள் உத்தமன் கோயில் கொண்டானென்று
உடம்பினை யானிருந் தோம்புகின்றேனே’

“மறுப்பது உடல்நோய் மருந்தென லாகும்
மறுப்பது உளநோய் மருந்தெனச் சாலும்
மறுப்பது இனிநோய் வாரா திருக்க
மறுப்பது சாவை மருந்தென லாமே” [திருமூலர்]

நாம் நோயின்றி நீண்டநாள்வாழ சில அன்றாட
நாள் ஒழுக்கம்பற்றி பார்ப்போம்.
சுவரின்றி சித்திரமில்லாதது போல் உடல் இருக்கும் வரைதான் உயிர்நிலைக்கும்.அகத்தூய்மை,புறத்தூய்மையுடன் உடலைப்பேணிக்காத்தல் நம் கடமையாகும்.

அதிகாலைஎழுந்து பல்துலக்கியபின்புன்புதான் எதுவும்
குடிக்கவேண்டும்.காப்பிதான் உங்கள் உயிர் என்றாலும்
நிறையதண்ணீர் குடித்தபின் காப்பி குடியுங்களளேன்.

காலைக்கடன்களை இயல்பாக கழிக்க பழகிக்கொள்ளவேண்டும்.
மலம் ஒன்று[அ]இரண்டுமுறையும்,சிறுநீர் 5[அ]6 முறைகழித்தல் இயல்பு. இதற்கு மிகினும் குறையினும் நோய் என அறிக.

காபிக்குப்பதிலாக அருகம்புல் சாறு மிகவும் நன்று.
அல்லது கீழ்க்கண்ட பானம் செய்து குடிக்கலாம்
கரிசாலை இலை 100 கிராம்,தூதுவளை,முசுமுசுக்கை,சீரகம்,
வகைக்கு 25 கிராம் இவைகளை நிழலில் உலர்த்தி பொடியாக்கி
வைத்துக்கொண்டு தேவையானபோது தண்ணீரில் காய்ச்சி பால்+
சர்க்கரை [நாட்டு சர்க்கரை] சேர்த்து அருந்தல் நலம்.இதனால்
இரத்த விருத்தி,உடல் வலிமை உண்டாகும், சளி மற்றும் வயிறு
சம்மந்தமான தொந்தரவுகள் உண்டாகாது.

உடற்பயிற்சி பழக்கம் உடலுக்கு வலிமையும் மனதுக்கு அமைதியும் அளிக்கும்.”வாக்கிங்” , யோகாசன முறைகள் நல்ல பயந்தரும். தியானம், மூச்சுப்பயிற்சி உடலுக்கும் உள்ளத்திற்கும் வன்மைதரும்.

தினசரி இருமுறை குளிப்பது உடல் வலி நீங்கும்,கண் தெளிவு,தோல் மிருது உண்டாகும்.வாரம் ஒரு முறை எண்ணெய் தேய்த்துக் குளிப்பது நலம்.உடல்தூய்மை ஆரோக்கிய தாம்பத்திய வாழ்வுக்கு வழிவகுக்கும்.

சுத்தமான தண்ணீர் நாள்முழுதும் குடித்தால் வயிற்றுப்புண்,சிறுநீரககோளாறுகள் தோன்றாது. உறங்கச்செல்லும் முன் நிறைய தண்ணீர் குடிக்கவேண்டும்.தண்ணீரில் சீரகம் போட்டு காய்ச்சி குடிப்பதும் நல்லது.

உணவுமுறைகளில் அறுசுவையும் கலந்த கலப்புணவு உடலுக்கு தேவையாகும்.
[அறுசுவைகள்-காரம்,கைப்பு ,இனிப்பு ,புளிப்பு ,உவர்ப்பு ,துவப்பு]
இனிப்பு ,புளிப்பு ,உப்பு – கபத்தை அதிகரிக்கும்
காரம் ,கசப்பு ,துவர்ப்பு – வாயுவை அதிகரிக்கும்
இனிப்பு ,கசப்பு ,துவர்ப்பு – பித்தத்தை குறைக்கும்
புளிப்பு ,உப்பு ,காரம் – பித்தத்தை அதிகரிக்கும்.”வயிற்றுப்புண்” இருந்தால் அதிகமாகும்.
இனிப்பு – மகிழ்ச்சி,பலம்,உடல் பருமன்
கசப்பு – ஜீரணம்,புழுக்கொல்லி
புளிப்பு – ஜீரணம்,வாயு குறையும்,அரிப்பை அதிகரிக்கும்
உவர்ப்பு – மலம் சிறுநீர்த்தூய்மை ,உடல் மிருதுவாகும்,வியர்வை அதிகரிக்கும்,முடி நரைக்கும்
துவர்ப்பு – இரத்தம் சுத்தமடையும்,தோல் மிருதுவாகும்
கார்ப்பு – ஜீரணம் ,வெப்பம்

உணவைப்பொருத்தவரை அவரவர் உடலுக்கேற்ப ,செய்யும் தொழிலுக்கேட்ப,தட்பவெட்ப காலநிலைகளுக்கு தகுந்தாற்போல் ,எளிதில் ஜீரணமாகக்கூடிய உணவுவகைகளை பழகிக்கொள்தல் நலம்.

சித்தமருத்துவத்தில்
“ஒருவேளை உண்பான் யோகி
இருவேளை உண்பான் போகி
மூவேளை உண்பான் ரோகி
நான்குவேளை உண்பான் பாவி”என்பர்.

பொரும்பாலான நோய்கள் நம் உணவுப்பழக்கம் அதன் மாறுபாட்டில் ஏற்படுகின்றன.

இதை வள்ளுவன் தெளிவான பார்வையில் எளிதாக விளக்குகிறார் பார்ப்போம்:

“மருந்தென வேண்டாவாம் யாக்கைக்கு அருந்தியது
அற்றது போற்றி உணின்”
[உண்டது ஜீரணமாதறிந்து உணவை எடுத்துக்கொண்டால் உனக்கு மருந்தே தேவையிலலை]
“அற்றால் அளவறிந்து உண்க அஃதுடம்பு
பெற்றான் நெடிதூய்க்கு மாறு”
[நீண்டநாள்வாழ செரிக்கும்தன்மையறிந்து உண்க]
“அற்றது அறிந்து கடைபிடித்து மாறல்ல
தூய்க்க துவரப்பசித்து”
[உண்ட உணவு செரித்து பசித்தபின் புசி]
“மாறுபாடு இல்லாத உண்டி மறுத்துண்ணின்
ஊறுபாடு இல்லை உயிக்கு”
[ஒவ்வாத உணவை ஒதுக்கி,அளவோடு உண்ணும் மனிதனுக்கு வியாதியில்லை]
“இழிவறிந்து உண்பான்கண் இன்பம்போல் நிற்கும்
கழிபே ரிரையான் கண் நோய்”
[அளவரிந்து உண்பவனிடம் உள்ள இன்பம்நிலைக்கும், அதிகமாக உண்பவனிடம் நோய் நிலைக்கும்]
“தீயள வன்றித் தெரியான் பெரிதுண்ணின்
நோயள வின்றிப் படும்”
[பசியின் தன்மை அறியாமல் அதிகம் உண்பவன் அவதிப்படுவான்]

நமது உடலில் ஏற்படும் வேகங்கள் என14 உள்ளன அவற்றை அடக்கவோ அதில் மாற்றம் ஏற்பட்டாலோ நோய் வருகின்றன-

“பதினான்கு வேகப்பேர்கள்
பகர்ந்திட அவற்றைக்கேளாய்
விதித்திடும் வாதம் தும்மல்
மேவு நீர் மலம் கொட்டாவி
கதித்திடு பசி நீர்வேட்கை
காசமோ டிளைப்பு நித்திரை
மதித்திடு வாந்தி கண்ணீர்
வளர் சுக்கிலம் சுவாசமாமே”
1.அபான வாயு – பசியிண்மை ,உடல்வலி ,மலக்கட்டு
2.சிறுநீர் - கல்லடைப்பு , மூட்டுவலி ,குறிவலி
3.மலம் – மூட்டுவலி ,தலைவலி ,பலக்குறைவு ,மயக்கம் ,பசியின்மை
4.பசி - உடல் இளைத்தல் ,களைப்பு ,மயக்கம்
5.தாகம் – தலைசுற்றல் ,உடல் வறட்சி ,வாய் உலர்தல்
6.தும்மல் – தலைவலி,கண் மூக்கு வாய் இவற்றில் வலி
7.இருமல் - மார்புவலி,மூச்சுத்திணறல்,இரைப்பு
8.வாந்தி – சுரம்,இரைப்பு ,பித்தம்
9.கொட்டாவி – செரியாமை,தும்மல்,உடல்வலி
10.கண்ணீர் – தலைவலி,கண்நோய்,பீனிசம்,
11.தூக்கம் – தலைகனம்,கண்நோய்,மயக்கம்
12.ஆயாசம்[களைப்பு] – மயக்கம்,வெப்பம்,நினைவுக்குறைவு
13.சுக்கிலம்[விந்து] – சுரம்,நீர் அடைப்பு,மூட்டுவலி,வெள்ளை
14.சுவாசம்[மூச்சு] – இருமல்,வயிற்றுப்பொருமல்,சுவையின்மை

இவையன்றியும் நாம் நமக்குள் ஏற்படுத்திக்கொள்ளும்மனசின் தாக்கங்கலால் வினை வந்துசேர்கிறது.அந்த வகையில்

நோய் உண்டாக்கும் குணங்கள்:
கோபம்
குற்ற உணர்வு
பயம்
சளிப்பு
துக்கம்

நோய் போக்கும் குணங்கள்:
அன்பு
சிரிப்பு
ஆர்வம்
நம்பிக்கை
மனவலிமை[சகிப்புத்தன்மை]

இத்தகைய குணங்களை ஏற்படுத்திக்கொள்தல் எந்தநோயையும் வெல்லமுடியும்.

பகல்பொழுது சிறிதுநேரஉறக்கம் நல்லது.புத்துணர்ச்சி தரும். அதிகநேர உறக்கம் சோம்பலையும் உடல்பருமனையும் ஏற்படுத்தும்.

“திண்ணமி ரண்டுள்ளே சிக்கல டக்காமல்
பெண்ணின் பாலொன்றை பெருக்காமல்-உண்ணுங்கால்
நீர்கருக்கி மோர்பெருக்கி நெய்யுருக்கி யுண்பார் தம்
பேருரைக்கில் போமே பிணி” – தேரையர் பதார்த்தகுண சிந்தாமணியில் நோய்வராதிருக்க கூறும் அறிவுரை இது.

மலம்,சிறுநீர் கழிப்பதில் சிக்கல் இல்லாமல்,அதிக போகத்தில் ஈடுபடாமல், நீரை காய்ச்சிக்குடித்தும்,அதிக மோர்சேர்த்தும், நெய்யை உருக்கியும் உண்ணவேண்டும் என்கிறார் சித்தர்.

இரவு உணவு குறைவாக எடுத்துக்கொள்ளாம். நார்ச்சத்துள்ள பழவகைகள் சேர்த்தல் மலச்சிக்கலைதவிர்க்கும்.
பால் அருந்தும்பழக்கம் உள்ளவர்கள்- பசும்பால் நலம்.
ஆடை தூய அவரவர் காலசூழலுக்கு ஏற்றபடி அணியலாம். இரவில் தூங்கும்போது தழர்வான ஆடை அணிவது அவசியம்.

-- மீண்டும் சந்திப்போம்--

ஜாதியில்லா சமுதாயம்!

2006-06-16T21:42:00.000+03:00

ஜாதியில்லா சமுதாயம் சாத்தியமா!

வெளி உலகம் எப்படியோ சுமார் ஆயிரம்பேர் [எண்ணிக்கை சரியாதெரியலை மன்னிசிடுங்க]கூடும் ‘தமிழ்மணத்திலாவது’ சண்டையில்லா வாசம் வீசுவோமே!

நிலத்தில் நீர்நிறப்பி வைக்கப்பட்டுள்ள எல்லா தண்ணீர் குடத்திலும் வானத்து சூரியன் தனித்தனியே தெரிந்தாலும் சூரியன் என்னவோ ஒன்றுதான், அதை மூடிவைப்பதனால் ‘அது’அதற்குள் அடங்குமோ!

அதில் என்குடத்துசூரியந்தான்பெரிசு,உயர்ந்தது,தெளிவானது,
ஒளிபொருந்தியது என்று பேசிக்கொண்டிருப்பதில் யாருக்கு என்ன நன்மை.
மூடிய குடத்துக்குள் இல்லாதகதிரவன் போல் வறட்டுகெளரவம், வீம்பாகி மூடிய உன் இதயத்துள்ளும் ஒன்றும் இருக்காது.

அணு முதல் அண்டமெங்கும் வியாபித்திருக்கும் ஆற்றலை உனக்கு பிடித்த, நம்பிக்கைகொண்ட பெயரில், உருவத்தில் போற்றுவது,பாடுவது,பேசுவது அடுத்தவனுக்கு இடையூறின்றி
யார் மனசும்நோகாமல் செய்தால் பிரச்சணையில்லை.

மதம் மொழி சாதி எல்லாமே கும்பல்கும்பலாய் வாழ்ந்தமனிதன்
அவன் வாழ்கைவசதிக்காக உருவாக்கிக்கொண்டது.
அந்தநாள் மதம் இன்றும் மாறாமலிருக்கிறதா! பண்டைய மொழிதான் இன்றுநாம் எழுதுகிறோமா!பேசத்தான் செய்கிறோமா! இல்லையல்லவா அதேபோல் சாதியென்ன எல்லாமே மாறிப்போகும்.
அது எப்படிமாறும்- இயற்கையாகவோ, செயற்கையாகவோ மாறும்.
நீ என்னநினைக்கிறாய் உன்மதம் உன்மொழி உன்இனம் எங்கும் பரவிநிழைக்க விரும்புகிறாய்,என் மக்களே சிறந்தோர் அவர்கள் நன்றாக இருக்கவேண்டும் மற்றவர்கள் எல்லாம்பிறகுதான். இந்த மனிதனின் மாண்புமிகு மனப்பான்மைதான் ஆட்டத்தின் அஸ்திவாரமே! ‘ஆட்டம்முடிவில் அஸ்திக்ளின்சாரம்’

என் மதம் இல்லாமல்போய் விடும்,என் மொழி இல்லாமல் போய்விடும்- விடமாட்டேன் அதற்காக பிரச்சாரம் செய்வேன்,என்சொத்து முழுவது அதற்காக வாரிக்கொடுப்பேன்
என் ஜாதிக்காரன் மட்டும் நன்றாக இருக்க பாடுபடுவேன் என்றால் என்னசெய்ய முடியம். உனக்கு அதனால் கிடைக்கும் நிம்மதி,பேரும் புகழும் குறுகியவட்டமாய் போய்விடும், இதையே நீ பாரபச்சமின்றி எல்லோருக்கும் பயன்பட ஏதேனும்செய்தால் உண்மைஉலகம் உன்னை வாழ்த்தும்.

மதுமிதா அவர்கள் பார்வைக்கு

2006-06-09T19:28:00.000+03:00

வலைப்பதிவர் : சித்தன் (நிஜப் பெயர் சோமசுந்தரம்)
வலைப்பூ பெயர் : நீலமலர்கள்
சுட்டி :http://chiththan.blogspot.com
ஊர் : ஈரோடு மாவட்டத்தில், கோபி அருகே திங்களூர்

நாடு :தமிழ்நாடு

வலைப்பூ அறிமுகம்செய்தவர்
தாணு அவர்கள். உடன் பணியாற்றி, நெருங்கிய குடும்பத் தோழியானவர்.

முதல் பதிவு ஆரம்பித்த நாள் :29 th August 2005

இது எத்தனையாவது பதிவு :30
இப்பதிவின் சுட்டி :http://chiththan.blogspot.com/2006/06/blog-post.html

வலைப்பூ ஏன் ஆரம்பித்தீர்கள்:
தாணு, ராம்கி போன்றோரின் பதிவுகளை வாசிக்க ஆரம்பித்தபோது, எனது சித்த மருத்துவம் சம்பந்தமான குறிப்புகளை அரங்கேற்ற தகுந்த இடமாகத் தெரிந்தது.
சந்தித்த அனுபவங்கள்:
பதிவு எழுத ஆரம்பித்துவிட்டாலும் கூட அதிக நேரம் செலவழிக்க முடியவில்லை. வீடு புண்ணியார்ச்சனை, அடுத்து மகள் திருமணம் என பொழுது பறந்துவிட்டது. அதனால் சொல்லிக் கொள்ளும்படியான அநுபவங்கள் அதிகம் இல்லை.
பெற்ற நண்பர்கள்:
காசி, செல்வராஜ் போன்றவர்களுடன் டெலிபோன் பரிச்சயம் உள்ளது. ராமநாதன், இளா,சிபி போன்றோருடன் கொஞ்சம் கொஞ்சம் அறிமுகம் ஆகியுள்ளது. இன்னும் நிறைய நண்பர்களை அறிமுகம் செய்து கொள்ள வேண்டும்
கற்றவை:
பேனா பிடித்து எழுதும்போது வராத எழுத்துப் பிழைகள் டைப் செய்யும்போது அதிகம் வந்துவிடுகிறது.
வலைப்பூக்கள் பாதுகாப்பான இடம்தான் என்றாலும் கூட போட்டோக்களை ஏற்றுவது நல்லதன்று என்று புரிந்து கொண்டேன்.
எழுத்தில் கிடைத்த சுதந்திரம்:
எடிட் செய்யாமல் எது பற்றியும் எழுதலாம் என்பதே நன்றாக இருக்கிறது.
இனி செய்ய நினைப்பவை:
அதிக நேரம் வலையில் விழ வேண்டும்.
எனக்குத் தெரிந்ததை மற்றவர்களுடன் பகிர்ந்து கொள்ளணும்
நிறைய பதிவுகள் வாசிக்க வேண்டும்.

உங்களைப் பற்றிய முழுமையான குறிப்பு:
பள்ளிப் பருவம் முழுவதும் திங்களூரில்
BIM(Bachelor of Siddha Medicine)- திருநெல்வேலி சித்த மருத்துவக் கல்லூரியில்
அரசு சித்த மருத்துவராக 20 வருடங்கள், இன்னுமதே வேலைதான். ஊர் மட்டும் பெருந்துறை இப்போது.
மகளுக்கு சென்ற வாரம்தான் திருமணம் இனிதே நடந்தேறியது.
மகன் பள்ளிப் பருவத்தில் இருக்கிறான்.
ஆர்வம்:
பாடல்கள் கேட்பதில் அலாதி ஆர்வம்.
கம்ப்யூட்டரில் வீடியோ மிக்ஸிங் செய்வது பொழுது போக்கு.
தற்சமயம் ப்ளாக் பக்கம் விழுந்து கிடப்பது

மணமக்களும்,மணவிழா அழைப்பிதழும்

2006-05-27T07:33:00.000+03:00

01.06.2006 அன்று நடைபெறவிருக்கும்
மகளின் திருமணத்திற்கு அனைத்து
‘தமிழ்மண’அன்பர்களையும்
அன்போடு அழைக்கின்றேன்

தமிழ்மண அன்பர்களின்
தரிசணம் வேண்டும்....!
நேச நெஞ்சங்களின்
வாழ்த்துக்கள் வேண்டும்....

மகளுக்காக.......

நேற்றுபோல் தோன்றுதடா..!
சின்ன அணில்குட்டியாய்!
சிறகுமுளைக்காத சிட்டுகுருவியாய்!
உன் தாயின் அரவணைப்பில்
தூக்கத்தில் சிரிப்பாயே!
ஒரு கையளவு உனை தூக்கிக்கொஞ்சிய
நாட்கள் நேற்றுபோல் தோன்றுதடா...

நிகழ்காலம்போல் நீண்டு தெரியாமல்
கடந்தவைகள் கனவுபோல்....
எதனால்..!

பொம்மையாய் துள்ளித்திரிந்தவள்
பெண்மை சூடப்போகிறாள்
பொம்மைப்பாத்திரங்களில் சோறாக்கி
கொடுத்தவளே!
சமையலறை திசையாச்சும்
அறிவாயா..!
பாவாடைப்பருவத்தில் வெற்றிலை
மெல்லும் பாட்டியானாய்..
சின்னச்சின்ன பொய்களால் அம்மாவின் அடிகாண்பாய்...
மெல்லச்சிரித்து தாயின்மடி சேர்வாய்....
இறைவனுக்கு பொறாமையோ..பொறுமையின்மையோ...
தாய்ப்பறவையைத் தத்தெடுத்துக்கொண்டான்
சொந்தத்தின் நட்பும்,நட்பின் சொந்தமும் உனை
சீராட்ட மீண்டும் அம்மாவின் மடிகண்டாய்..

அம்மாவின் கோபமும் அப்பாவின் சோம்பலும்
ஒன்றான செல்லமே
இரண்டையும் இங்கேயே விட்டுப்போ...

கொஞ்சம் மிரட்டிட கண்ணீர் சிந்துவாய்
பாலைக்கூட முகர்ந்தபின் அருந்துவாய்

என் சுண்டுவிரள் பிடித்து நடந்த கைகள்
தோளோடு கைபோட திருவிழா வருது

பாசத்தை நேசத்தை பங்குபோடத்தெரியாதவளே
பங்கு போட ஆள் வருது...

மகளாய் தாயாய்
எல்லோரும் விரும்பும் அன்புத் தோழியாய்
கோபத்தில் அமைதியாய்
இன்பமெனில் மத்தாப்பாய்
சொல்லால் சுடாமல் யாரையும்
குறையையும் நிறையாக்க விழித்திருப்பாய்!

உன் நிழல்களிலே வசந்தங்கள் உருவாக்கு....
நீ இருக்குமிடம் ஆனந்த இசைப்பாட்டு...

தாயின் கனவுகளை
சூழ்ந்தார் வாழ்த்துகளை
அன்பின் வேள்விதனை
நட்பின் மிகுசுகத்தை
உரிமையாய் கொண்டாடு
உண்மை இன்பம் உன்னோடு....

கர்வமின்றி கடந்திடு காலத்தை
நலும் நலம் கிடைத்திடும் காலத்தில்...

மணவிழா அழைப்பிதழ்

2006-05-27T06:47:00.000+03:00

01.06.2006 அன்று நடைபெறவிருக்கும்
மகளின் திருமணத்திற்கு அனைத்து
‘தமிழ்மண’அன்பர்களையும்
அன்போடு அழைக்கின்றேன்

தமிழ்மண அன்பர்களின்
தரிசணம் வேண்டும்....!
நேச நெஞ்சங்களின்
வாழ்த்துக்கள் வேண்டும்....

மகளுக்காக.......

நேற்றுபோல் தோன்றுதடா..!
சின்ன அணில்குட்டியாய்!
சிறகுமுளைக்காத சிட்டுகுருவியாய்!
உன் தாயின் அரவணைப்பில்
தூக்கத்தில் சிரிப்பாயே!
ஒரு கையளவு உனை தூக்கிக்கொஞ்சிய
நாட்கள் நேற்றுபோல் தோன்றுதடா...

நிகழ்காலம்போல் நீண்டு தெரியாமல்
கடந்தவைகள் கனவுபோல்....
எதனால்..!

பொம்மையாய் துள்ளித்திரிந்தவள்
பெண்மை சூடப்போகிறாள்
பொம்மைப்பாத்திரங்களில் சோறாக்கி
கொடுத்தவளே!
சமையலறை திசையாச்சும்
அறிவாயா..!
பாவாடைப்பருவத்தில் வெற்றிலை
மெல்லும் பாட்டியானாய்..
சின்னச்சின்ன பொய்களால் அம்மாவின் அடிகாண்பாய்...
மெல்லச்சிரித்து தாயின்மடி சேர்வாய்....
இறைவனுக்கு பொறாமையோ..பொறுமையின்மையோ...
தாய்ப்பறவையைத் தத்தெடுத்துக்கொண்டான்
சொந்தத்தின் நட்பும்,நட்பின் சொந்தமும் உனை
சீராட்ட மீண்டும் அம்மாவின் மடிகண்டாய்..

அம்மாவின் கோபமும் அப்பாவின் சோம்பலும்
ஒன்றான செல்லமே
இரண்டையும் இங்கேயே விட்டுப்போ...

கொஞ்சம் மிரட்டிட கண்ணீர் சிந்துவாய்
பாலைக்கூட முகர்ந்தபின் அருந்துவாய்

என் சுண்டுவிரள் பிடித்து நடந்த கைகள்
தோளோடு கைபோட திருவிழா வருது

பாசத்தை நேசத்தை பங்குபோடத்தெரியாதவளே
பங்கு போட ஆள் வருது...

மகளாய் தாயாய்
எல்லோரும் விரும்பும் அன்புத் தோழியாய்
கோபத்தில் அமைதியாய்
இன்பமெனில் மத்தாப்பாய்
சொல்லால் சுடாமல் யாரையும்
குறையையும் நிறையாக்க விழித்திருப்பாய்!

உன் நிழல்களிலே வசந்தங்கள் உருவாக்கு....
நீ இருக்குமிடம் ஆனந்த இசைப்பாட்டு...

தாயின் கனவுகளை
சூழ்ந்தார் வாழ்த்துகளை
அன்பின் வேள்விதனை
நட்பின் மிகுசுகத்தை
உரிமையாய் கொண்டாடு
உண்மை இன்பம் உன்னோடு....

கர்வமின்றி கடந்திடு காலத்தை
நலும் நலம் கிடைத்திடும் காலத்தில்...

SMS கடிகள்

2006-04-08T09:24:00.000+03:00

அன்பான அன்பர்களே உங்களைப்பாத்து ரெம்பநாளாச்சு
எல்லாரும் செளக்கியமா இருக்கீங்க தானே,
அதான் கொஞ்சம் கடிக்கலான்னு வந்தேன்.....
யாரும் கோவிக்காதீங்க!

SMS கடிகள் சில:

கண்டக்டர் தொங்கினா யாரும் டிக்கட்
எடுக்கமாட்டாங்க!
ஆனா டிரைவர் தொங்கினா
எல்லாரும் டிக்கட் எடுத்துடுவாங்க!

தெனமும் பூ வாங்கிட்டுப்போரியே!
பொண்டாட்டிமேல அவ்வளவு பாசமா?
ம்..பாசம் பூக்காரி மேல!

ஒரு டீக்கடையில்: என்னையா டீயிலே
“ஈ” குளிக்குது!
ஆமா...நீ கொடுக்கர இரண்டார் ரூபா காசுக்கு
திரிஷ்ஷாவா வந்து குளிப்பா!

ஒரு அரசனுக்கு தூதுவந்த புறாவுக்கு இரண்டு
கால்களுல் இல்லை
என்ன மந்திரி இது!
இது தான் “MISSED CALL” அரசே!

என்னதான் திருவள்ளுவர் 1330 குறள் சொன்னாலும்
அவராலே ஒரு குரலில்தான் போசமுடியும்.

‘RATION ‘ ‘FASHION ‘ என்ன வித்தியாசம்?
எடை கொறஞ்சா…RATOIN !
உடை கொறஞ்சா .. FASHION!

முக்காலியிலே உக்காரலாம்
நாற்காலிலே உக்காரலாம் ஆனா
தக்காளியிலே உக்கார முடியுமா!

வெட்டி சம்பளம் வாங்கரவங்க யாரு?
‘டைலர்’,’பார்பர்’,

கேள்வி: நீ மூன்றாம் மாடியில் இருக்கும்போது
தீ பிடித்துக்கொள்வதாக நினைத்துக்கொள்!
எப்படி நீஅங்கிருந்து தப்பிப்பாய்?
ரெம்ப சுலபம்...கற்பனையை நிருத்திக்கொள்வேன்.

.When u r in bright, everything will follow u…
When u enter dark even ur own shadow will not follow u…

ஆசிரியர்: அசோகர் ஏன் குளங்கள் வெட்டினார்?
மரங்கள் நட்டினார்?
மாணவன்: குளங்கள்... பெண்கள் குளிக்க!
மரங்கள்... பின்னாலிருந்து எட்டிப்பார்க்க!

நாம அடிச்சா அது மொட்டை!
அதுவாவிழுந்தா சொட்டை!
மண்டையிலே போடறது DAI
மண்டையப்போடறத DIE .

பதிணெட்டுப்பட்டி மக்களுக்கும் நான் சொல்லரது
என்னான்..னா..
GOOD EVENING….
நாட்டாமை தீர்ப்பை மாத்திச்சொல்லு!
O K .O K . GOOD MORNING…

. A Dog was following Sardar ,
Sardar was laughing. A man asked, ”WHY R U laughing?”
Sardar : “I have “AIRTEL” but “HUTCH” network is
FOLLOWING me

‘ கஜினி’ சூர்யா:- நான் சஞ்சய் ராமசாமி, அசின் “I LOVE U”
அசின் :-டெய் மொட்டை இது மட்டும் என் அண்ணனுக்கும்
LOVER- க்குத்தெரிஞ்சுது நீ..தொலஞ்சே !
சூர்யா :- யார்டி உங்க அண்ணே? வெண்னெ!
அசின்:- இந்த SMS படிக்கறவர்!
சூர்யா:- யார்டி உன் LOVER ?
அசின்:- கொஞ்சம் கீழ போய்ப்பாரு பேரு, போன் நெம்பர்
இருக்கும்!

.புறா,அணில் இதில் தபால் அனுப்ப உகந்தது எது?
அணில்தான் அதுக்குத்தானே “பின்கோடு” இருக்கு!

.பீடியால் சுட்டபுண் உள்ளாரும் ஆராதே
பிராந்தியால் வெந்த வயிறு _ புதுக்குறள்...555

இது ஒரு காதல்கவிதை:-

அவள்கண்கள் ஒரு திங்கள்
வாய் ஒரு செவ்வாய்
கன்னம் ஒரு புதன்
உதடோ ஒரு வியாழன்
காது ஒரு வெள்ளி –
மொத்தத்தில் அவள் ஒரு சனி.....

அம்மா அடிச்சா வலிக்கும்!
டீச்சர் அடிச்சா வலிக்கும்!
பிரண்ஸ் அடிச்சா வலிக்கும்!
போலீஸ் அடிச்சா வலிக்கும்! ஆனா
“சரக்கு” அடிச்சா வலிக்குமா !....

இதற்கு ஒரு அன்பரின் அனுபவபூர்வபதில்-
ஓவரா! அடிச்சா “செமத்தியா வலிக்கும்”

மற்றொரு நண்பர்-
“சைட் அடிச்சா வலிக்குமா!
ஜோக் அடிச்சா வலிக்குமா! என்றார்...

ஒரு காட்டுக்குள்ள 10பேர் போயிட்டிந்தாங்க
அப்போ அங்கவந்த சிங்கம் 6 பேர கொன்னுடிச்சு!
4 பேர மட்டும் ஒண்ணுமே செய்யலெ!
ஏன்னா ...அவுங்க 4 பேரும் “LOIN’S CLUP MEMBERS”

உடம்ப நல்லா பாத்துக்கோ!
வேளா வேளைக்கு நல்லா சாப்புடு
அதிகமா தூக்கம் கெடாதே!
நீ ரெம்ப நாளைக்கு வாழனும்!
நேத்து”DISCOVERY” ல்லே
சொன்னாங்க “குரங்குக்கூட்டம்”
அழிஞ்சிட்டுவருதுன்னு.....!

லாரியில விழுந்தா உடனே சாவு !
காதல்லே விழுந்தா தெனந்தெனம் சாவு..!

MOST OF THEM SAY
“Behind Every SUCCESSFULMAN
There is a WOMAN”
But nobody knows that the fact is
“WOMAN GOES BEHIND SUCCESSFUL MEN ONLY”

G->Ghost
I->In
R->Real
L->Life
“so avoid girls”
From-“MEN AWARENESS CLUP”
Fwd 2 all & save men save world….

The most selfish 1 letter ‘I’ AVOID it,
Most satisfactory 2 letter ‘WE’ USE it,
Most poisonous 3 letter ‘EGO’ KIIL it,
Most used 4 letter ‘LOVE’ VALUE it,
Most pleasing 5 letter ‘SMILE’ KEEP it,
Fastest spreading 6 letter ‘RUMOUR’ IGNORE it,
Hard working 7 letter ‘SUCCESS’ ACHIVE it,

I MISS U ,
I LIKE U
I CARE ABOUT U
I m ALWAYS WITH U
IT’S ALL MIXED A ONE SENTENCE
‘I am your FRIEND!

Man’s life!
Before Marriage SPIDERMAN
After finding a girl SUPERMAN!
Engagement GENTLEMAN!
After Marriage WATCHMAN!
10 Years latter DOBERMN!
After 20 Years ……

BOY:- Hay! Sweaty
என்ன காலையிலே 2 இட்லி
சாப்டயா!
GIRL:- ஆமாண்டா! எப்படி கண்டுபிடுச்ச!
BOY:- அதான் நெஞ்சிலேயே நிக்குதே!

If U R A genius , try this fill in d blanks with ONLY
YES or NO
1-…….I Don’t have BRAIN.
2-……..I Don’t have SENSE.
3-………I’m STUPID.
4………..I’m FOOL.

மருந்தாகும் காய்கறிகள்-காரட்

2006-02-09T18:08:00.000+03:00

காரட் [DAUCUS CAROTA ]

நமது உடலில் விட்டமின் A உற்பத்தியாகத்தேவையான “கரோட்டின்” என்னும் பொருள் மற்ற எல்லா காய்கறிகளைக் காட்டிலும் காரட்டில் அதிக அளவில் உள்ளது.
ஆப்கானிஸ்த்தான் இதன் தாயகம்.கி மு 13 நூற்றாண்டில் முதலாம் எலிசபெத் காலத்தில் இங்கிலாந்தில் அறிமுகமாகி அங்கிருந்து உலக நாடுகளுக்கு பரவியது.
சிறுவர் முதல் அனைத்து வயதினற்கும் ஏற்ற சத்து நிறைந்தது. ஆனாலும் இதை சமைக்காமல் பச்சையாக உண்டால் தான் சத்துக்கள் முழுமையாகக் கிடைக்கும்.

இரத்ததைச் சுத்தமாக்கும்,பசியைத் தூண்டும், சிறுநீர் பெருக்கும், மலத்தை இளக்கும், இருமல் சளி குறைக்கும், இரத்தத்தில் இரும்புச்சத்தை அதிகரிக்கும்.

உருளைக்கிழங்கில் உள்ளதைவிட 6 மடங்கு கால்சியம் கொண்டது காரட். கால்சியம் இரத்த அழுத்ததை குறைக்கும் தன்மையுடையது, எனவே இரத்த அழுத்தம் உள்ள நண்பர்கள் ஜூஸாகப் பருகலாம்.

100கி திராட்சையில் உள்ளதைவிட 100கி காரட்டில் 25 மடங்கு பாஸ்பரஸ் அடங்கியுள்ளதால் மூளை சுறுசுறுப்பை தூண்டும்.

இன்சுலின் போன்ற “TOCKINCIN” என்னும் ஹார்மோன் காரட்டில் உள்ளதால் சர்க்கரை நோயாளிகளுக்கும் இது சிறந்தது.
காரட்டின் தோல்பகுதியில் சோடியம்,அயோடின் சத்துக்கள் அதிகம் காணப்படுவதால்,தோல் சீவாமல், வெறுமனே கழுவி மட்டும் பயன்படுத்தவேண்டும்.

இரத்தசோபை [DROPSY] நோயாளிகள் தினமும் இதை பருகிவர இரத்தம் அதிகரிப்பதுடன் கால் வீக்கமும் குறையும்.

சிறுநீரகம் மற்றும் அதன் பாதையில் ஏற்படும் படிமங்களை நீக்கவல்லது. [முள்ளங்கி,வாழைத்தண்டு,சிறுபீளை,நெருஞ்சில் இவைகள் போல்]
ஐரோப்பா நாடுகளில் காரட் சூப் காமாலை நோயாளிகளுக்கு
கொடுக்கப்படுகிறது.

காரட்டின் கீரையை உண்டுவர உடல் சிவப்பாகும் என்பது ஒரு நூலில் படித்தஞாபகம்.

நட்புள்ளங்கள் மன்னிக்க!
இது ஒரு கடைச்செருகல் கவிதை!

மழலையின் கனவுச் சிரிப்பென
மெல்லிய சுகமாய்த் தென்றல்

பனிமுத்துக்கள் தாங்கி
மெளனமாய்ச் சிரிக்கும் பூந்தளிர்

அதிசய ராகத்தில் ரகசியம் பாடும்
அழகிய மின்மினிப் பூச்சிகள்

வெட்டவெளியில் குப்புறப்படுத்து
கொஞ்சிக் கூப்பிடும் நிலவு

கலைந்து கிடக்கும் பச்சைநிறப்
பட்டுப் புடவையாய் புல்வெளி

இவைகளுடன் ... நான் மட்டும்.....
இயற்கையின் ரசிகனாய்!!!!

மூலிகைச்செல்வங்கள் 5 ,6 &7[சீரகம்,சோம்பு&கறிவேப்பு]

2005-11-27T09:09:00.000+03:00

சீரகம் {CUMINUM CYMINUM}
ENG- Cumin seed OR caraway seed
FAM- UMBELLIFERAE

வட இந்தியாவில் மலைப்பகுதிகளில் அதிகம் பயிர்செய்யப்படுகிறது. தமிழகத்தில் மேட்டுப்பாங்கான இடங்களிலும் மலைப்பகுதிகளிலும் பயிர்செய்யப்படுகிறது.காய்ந்த விதைகளே சீரகம் எனப்படும்.
சீர்+அகம்=சீரகம் என்பது இதற்கு மிகவும் பொருத்தமாக இருக்கும்.ஏனெனில் வயிற்றுப்பகுதியை சீரமைப்பதில் பொறும்பங்காற்றுகிறது.
கார்ப்பு இனிப்பு சுவையும் குளிர்ச்சித்தன்மையும் கொண்டது.
இதன் மனம் சுவை செரிமானத்தன்மைக்காக உணவுப்பொருட்களில்
சேர்க்கப்படுகிறது.

சீரகத்திலிருந்து 56% Hydrocarbons ,Terpene,Thymol போன்ற எண்ணைப்பொருக்கள் பிரித்தெடுக்கப்படுகின்றன. இதில் Thymol –[anthelminticagaint in HOOK WORM infections,and also as an Antiseptic] வயிற்றுப்புழுக்களை
அழிக்கவும் கிருமிநாசினியாகவும் பல மருந்துக்கம்பனிகளின் மருந்துகளில் பயன்படுத்தப்படுகிறது.

நாட்பட்ட கழிச்சல் தீர மற்றமருந்துகளுடன் சேர்த்துகொடுக்க நல்லபலந்தரும்.
இரத்ததை சுத்தமாக்குகிறது,தொல் நோய்களை கட்டுப்படுத்துகிறது,

பசியின்மை, வயிற்றுப்பொருமல், சுவையின்மை,நெஞ்செறிச்சல் தீர
சீரகம்+கொத்தமல்லி+சிறிது இஞ்சி இவைகளை லேசாகவறுத்து நீரில்
கொதிக்கவைத்து வடித்து டீ போல வெல்லம் அல்லது நாட்டுசர்க்கரை சேர்த்து பருகிவரலாம்.

வாய்ப்புண் உதட்டுப்புண் குணமாக சீரகம்+சின்னவெங்காயம் இவற்றை லேசாக நெய்விட்டு வதக்கி உண்ணலாம்.

கர்ப்பகாலத்தில் ஏற்ப்படும் வாந்தியைக்குறைக்க எழுமிச்சம்பழச்சாற்றுடன் சீரககுடிநீரை சேர்த்து கொடுக்கலாம்.
தொண்டை கம்மல் மற்றும் மண்ணீரல் வீக்கத்தை குறைக்கும்.

விக்களை நிறுத்தும்
“எட்டுத்திப்பிலி ஈரைந்து சீரகம்
கட்டுத்தேனில் கலந்துண்ன விக்களும் விட்டுப்போகுமே
விடாவிடில் நான் தேரனும் அல்லவே” என சித்தர் பாடல் ஒலிக்கிறது.
சீரகம் தாய்மார்களுக்கு பால் சுரப்பை அதிகரிக்கச்செய்யும்.

சோம்பு {PIMPINELLA ANISUM}

எகிப்தை நாட்டை தாயகமாய் கொண்டிருந்தாலும் உலகில் எல்லாநாடுகளிலும் இப்போது பரவலாக பயிர்செய்ய்ப்படுகிறது.
ஆங்கிலத்தில் ANISE or SWEET FENNEL or ANISEED என்று அழைக்கப்படுகிறது.
சோம்பும் சீரகமும் ஒரே தாவரக்குடும்பத்தை[Umbelliferae] சேர்ந்தாதாகும்.
அதைப்போலவே அவற்றின் செய்கைகளும் மருத்துவ குணங்களூம் பொதுவாக ஒரேமாதிரியே உள்ளன. சீரகத்தைப்போலவே சற்றே பெறிதாக இருக்கும் சோம்பு.
அசைவ ஹோட்டல்களில் சர்க்கரை கலந்துவறுத்த சோம்பு சுவைத்திருப்பீர்களே!

கவிதை தனியாகப்போட்டால் படிக்க ஆளில்லை எனவே இங்கே!

சந்தில் ஒரு சிந்து ! படிச்சுட்டுத்திட்டாதீங்க!!!

என் அவளே!!!

யாரோ யாருக்கோ எழுதியதை
ஒருமுறை படிப்பாய் கதைபோல
உனக்காய் ஒன்று நினைவாய் எழுதியதை
மறுமுறை படித்திடு கவிதைபோல.

கடலுக்குள் ஓடும் நதியாய்
என் இரத்தநாளங்களில்....
பூமிக்குள் பூக்கும் நெருப்பாய்
என் நெஞ்சக்குழிக்குள்....
வண்ணங்கள் அனைத்தும் அடங்கும் வெண்ணிறமாய்
உனக்குள் என் முகங்கள்.....

கறிவேப்பிலை{BERGERA KOENIGII}
ENG :CURRY LEEF TREE

பெருப்பாலான வீட்டுத்தோட்டங்களில் வழர்க்கப்படும் சிறுமர வகுப்பைச்சார்ந்தது .நமது எல்லாவிதமான சமையலிலும் மணமூட்டியாகவும் சுவைக்காகவும் சேர்க்கப்படுகிறது.

லேசான கார,கைப்பு சுவையும் வெப்பத்தன்மையும் கொண்டது.
பசி,உடல்வன்மை,சீரணத்தை சீராக்குதல்,நரை நீக்கும் இத்தகைய சிறப்புக்கள் நிறைந்த கறிவேப்பு கண்பார்வைக்கும் நல்லது.

தேவையான அளவு இதன் இலைகளை நெய்யில் வறுத்து பொடிசெய்து சாதத்துடன் பிசைந்து சாப்பிட கண்பார்வைக்கு நல்லது.

மலச்சிக்கள் தீர :–
கறிவேப்பிலை+இஞ்சி+மிளகு+சீரகம்+பெருங்காயம்
இவைகளை வெய்யிலில் காயவைத்து இடித்து வைத்துக்கொண்டு இரவில் சாதத்துடன் சாப்பிடலாம்.

குமட்டல்,வாந்தி,சீதபேதி[ Dysentery ]க்கு
நெய்யில் வதக்கிய கறிவேப்புடன் சிறிது உப்பு புளி காரம் சேர்த்து அரைத்து துவையல்செய்து உண்ணலாம்.

சளி,இருமல்,சீதக்கழிச்சல்,மதுமேகம்[ Diabetes ]குறைய:
இலைகளை சுத்தம்செய்து [2 கொத்து]2 டம்லர் நீர்விட்டு ஒரு டம்லராக காய்ச்சிவடித்து ¼ பங்காக 4 வேளை குடித்துவரலாம். முடிந்தால் இலைகளைப்பச்சையாகவும் உண்ணலாம்.

இதிலிருந்து எடுக்கப்படும் எண்ணெய்யானது குளிர்ச்சிதருவதாகவும் ,கண்களுக்கு நன்மைபயப்பதாகவும்
நரை நீக்குவதாகவும் அறியப்பட்டுள்ளது.
விஷப்பூச்சிகள் கடித்த இடத்தில் இலைகளை பாலில் வேகவைத்து அரைத்துக்கட்ட வலி,தடிப்பு,எரிச்சல் குறையும்.

மூலிகைச்செல்வங்கள்-4

2005-11-23T22:55:00.000+03:00

மிளகு {PIPER NIGRUM}

[BLACK PEPPER]

“பத்து மிளகிருந்தால் பகைவன் வீட்டிலும் உண்ணலாம்” என்பது பழமொழி. மிளகு அந்த அளவிற்கு நஞ்சுமுறிப்பானாக செயல்படுகிறது.

உணவுப்பொருளாகவும் மருத்துவபொருளாகவும் பண்டுதொட்டு பயண்படுத்தப்பட்டுவரும் மிளகானது சிறுகொடிவகையைச்சார்ந்தது. மலைப்பகுதியில் 1200 மீட்டர் உயரத்திற்கு மேல் பயிர்செய்யப்படுகிறது.
இந்தியாவைத்தாயகமாக்கொண்டு சுமார் 3000 ஆண்டுகளுக்குமுன்பிருந்தே நம்மவர்களால் பயன்படுத்தப்பட்டுவருகிறது.

நம் நாட்டில் மிளாகாய் அறியப்படும் முன்னர் மிளகு மட்டுமே உணவில்
பயன்படுத்தப்பட்டுவந்தது.

காரம் கைப்பு சுவையும்,வெப்பத்தன்மையும் கொண்டது.

சளி இருமல் வயிற்றுவாயு செறியாமை சுரம் இவைகளை குணமாக்குவது
மிளகின் பொதுவான குணமாகும்.

திரிகடுகு எனப்படும் [சுக்கு மிளகு திப்பிலி]மருந்தை காலை மாலை உணவுக்குப்பின் தேனில் 500 மி.கி அளவு சாப்பிட வயிற்றுநோய்களும்
சுவாசம் சம்பந்தமான நோய்களும் அணுகாது.

வேண்டிய அளவு மிளகுத்தூளை புளித்தமோரில் ஊரவைத்து காயவைத்து
இளவருப்பாக வருத்து பொடிசெய்து வைத்துக்கொள்ளவும் .இதை 500 மி.கி
எடுத்து வெள்ளம் சேர்த்து உண்டுவர தலைவலி மூக்கடைப்பு தீரும்.

மிளகு+மஞ்சள்+பூண்டு ஒருபல் இவைகளை இடித்து பாலில் வேகவிட்டு
வடித்தபாலைக்குடிக்க இருமல் தொண்டைக்கம்மல் குணமாகும்.

மிளகுடன் வெற்றிலை சேர்த்து லேசாக இடித்து நீரில் கொதிக்கவைத்து
வடித்த குடிநீரை குடித்துவர மருந்துகளால்,உணவுப்பண்டங்களால் ஏற்பட்ட நச்சுத்தன்மை நீங்கும்.

மிளகுத்தூள்+வெங்காயம்+உப்பு இவற்றை கலந்துஅரைத்து புழுவெட்டு[ALOPECIA] உள்ள இடத்தில் தொடர்ந்து பூசிவர
முடிமுளைக்கும்.

மிளகில் உள்ள வேதியட்பொருக்கள் கீழே

Piperine 5-9%
Piperidine 5%
Balsamic volatile essential oil 1-2%
Fat 7%
Starch,lignin,gum, 1%
Proteids 7%
Ash containing organic matter 5%

நீண்ட நாளாச்சு உங்களையெல்லாம் பாத்து

மன்னிக்கனும் மன்னர்களே![இரு பால் மன்னர்களும்]

மூலிகைச்செல்வங்கள்-3 மஞ்சள்

2005-11-06T10:55:00.000+03:00

மஞ்சள் [Curcuma longo ]

மஞ்சள் என்றதும் உங்கள் நினைவுக்கு வருவது ஈரோடுதானே!
இல்லை எங்களுக்கு “மஞ்சக்காட்டு மைனா எனைகொஞ்சி கொஞ்சிப்போனா” என்ற நினைவென்றால் நான் பொறுப்பல்ல.
“மஞ்சள்பூசும் மஞ்சள்பூசும் வஞ்சிப்பூங்கொடி”
“மஞ்சளும் குங்குமம் கொண்டதாமரைப்பூ பேரின்பஓடையில் தள்ளாடுது”
“மஞ்சள் முகமேவருக மங்கள விளக்கேவருக”
“மஞ்சள் அரைக்கும்போதுமதிலேரிப்பாத்த மச்சான்
பக்கத்தில் வந்தாலென்ன சொந்தம் காண”என்று சிலருக்கு
பாடத் தோன்றலாம்.மஞ்சளைப்பற்றிப்பாடாத கவிஞர்கள்
இருக்கமாட்டார்கள்.

மஞ்சள் எனில் மங்களம். மஞ்சள் இல்லாத பண்டிகை எதையும் தமிழரிடத்தில் நினைத்துப்பார்க்க இயலாது.

தென்னிந்தியாவை பிறப்பிடமாகக்கொண்ட
மஞ்சளானது ஈரோடு கோவை மற்றும் சேலம் ஆகிய மாவட்டங்களில்
அதிகம் விழைகிறது,ஈரோட்டிலிருந்து மற்ற மாநிலங்களுக்கும் வெளிநாடுகளுக்கும் அனுப்பப்படுகிறது.

பருத்தி,கரும்பு போன்று
மஞ்சள் பெரிய அளவில் வியாபாரப்பொருளாகும்.ஈரோட்டில் இதற்கென மஞ்சள்மண்டிகள் நிறைய உள்ளன.சமீபத்தில்கூட ஈரோட்டில் “மஞ்சள் வளாகம்”ஒன்று துவங்க முதல்வர் அவர்கள் அடிக்கல்நாட்டியுள்ளார்.

மஞ்சள் பூமிக்கடியில் விழையும் கிழங்குவகையைச்சார்ந்தது.வெட்டி எடுக்கப்படும் கிழங்கை மாட்டுசாணிப்பாலில் ஊரவைத்து வேகவைத்து
பதப்படுத்தப்பட்டு சேமிக்கப்படுகிறது.இதுவே கறிமஞ்சள் ஆகும்.

கஸ்தூரி மஞ்சள் என்று காடுகளில் தானாகவிழையும் &பயிரிடப்படும் இனமும் உண்டு.[Curcuma aromatica] இதன் குணத்தினால் அழகு,நறுமணம் தரும் பல பதிவுரிமை செய்யப்பட்ட மருந்துகள்,வாசனைப்பொருட்கள்,சோப்புகள்,தைலங்கள் தயார்செய்யப்படுகின்றன.மற்றபடி மஞ்சள் போன்றே இதன் குணங்களும் அமைந்துள்ளன.

எனவே இன்று நம்ம ஊர்மஞ்சளைப்பற்றிக்கொஞ்சம்...

மிகச்சிறந்த கிருமி நாசினியான மஞ்சள் கல்லீரலை பலப்படுத்தும்,குடல் புண்களை குணமாக்கும்,பசியை கொடுக்கும்,
சுவையின்மை போக்கும்,

வீக்கம் கட்டிகளை கரைக்கும்,குடற்ப்புழுக்களை அழிக்கும்,தோல் நோய்கள் குணப்படுத்தும்.[Urticaria,Chronic skin eruptions ]

மஞ்சள் மதுமேகம்,காமாலை,குடற்புண் போன்றநோய்களுக்கு
தரப்படும் மருந்துகளில் சேர்க்கப்படுகிறது.

வெளிப்புறமாக பயன்படுத்தும்போது கற்றாழைவாசம் வீசும்
வியர்வை நாற்றத்தையும்,தோல் நோய்களையும் குணமாக்கும்.[மஞ்சள் சேர்த்து செய்யப்படும் குளியல் கலவைத்தூள் செய்முறை பின்னர் தருகிறேன்.]முகப்பருக்களை நீக்க உதவும்.
வேப்பிலையுடன் மஞ்சள் சேர்த்து அரைத்து புண்கள் மீது போடலாம்.

சமையலில் சேர்க்கப்படும் மஞ்சள் நிறம் சுவை மட்டுமின்றி ஜீரணத்தை
எளிதாக்கி உணவில் நச்சுத்தன்மை இருந்தால் அதையும் நீக்குகிறது.

மேலும் மஞ்சளுக்கு புற்றுநோயை குணமாக்கும் தனமைபற்றி
பத்மா[தேன் துளி] அவர்களின் கட்டுரைப்பதிவினை மக்கள் ஏற்கனவே அறிவீர்கள்.இலங்கை மக்கள் அதிக அளவில் உணவில் மஞ்சளைசேர்த்துக்கொள்வதால் புற்றுநோயின் சதவிகிதம் அங்கு குறைவாக உள்ளதென ஆராய்ச்சிமுடிவுகள் தெரிவிக்கின்றன.[curcuma]

கால் ஆணிக்கு = கொஞ்சம்மஞ்சள்+வசம்பு கொஞ்சம்+மருதானி
இலை +கற்பூரம் சிறிது>இவைகளை அரைத்து காலாணிக்கு கட்டி
வர குணமாகும்.

பாலில் மஞ்சள்+மிளகு+பூண்டு சேர்த்து காய்ச்சி குடித்துவர சளி,இருமல்
குறையும். மஞ்சளை நெய்யில் கலந்து கொடுத்தாலும் இருமல் குறையும்.
முகப்பருக்களையும்,அழகைக்குறைக்ககூடிய இடங்களில் ஏற்ப்படும் ரோமங்களையும் நீக்கும் தன்மை இதற்க்கு உள்ளதால்
மஞ்சள் முகப்பூச்சு கிரீம்களில் அதிக இடம்பிடிக்கிறது.
1868 ஆம் ஆண்டு முதற்க்கொண்டே மஞ்சள் பற்றிய அறிவியல் ஆராய்ச்சி மேற்க்கொள்ளப்பட்டுள்ளது.
எனவே ஆண்மக்களே மறக்கம மஞ்சளை சமையல்ல சேத்துக்கங்க!

எந்தஒரு காரியம் துவங்கும்போதும் மஞ்சள் அல்லது சாணத்தில்
பிள்ளையார் பிடித்து அருகம்புல்லை குத்தி பூஜை செய்வது தமிழர்
வழக்கம்.
இதற்கு விஞ்ஞான காரணமென எடுத்துக்கொண்டால்
மஞ்சள், மாட்டுசாணம், அருகம்புல் எல்லாமே சிறந்த கிருமிநாசினியாகும்.தத்துவமாக பார்த்தால் அருகு போல் வேறூன்றிஆல்போல் தழைத்து வாழ்கவென வாழ்த்துப்பா வில் கூறுவர்[அருகு எளிதில் எல்லா இடத்தில் ஆழமான வேர்களுடன் படரக்கூடியது ஆல மரம் பரந்துவிரிந்து விழுதுகளால் விருந்தோம்பி நீண்டநாள் நிலைக்கக்கூடியது.

இதே போல் மஞ்சளும் மங்களகரமாண எல்லாக்காரியங்களிலும்
பண்டையகாலம் தொட்டே பயன்படுத்தப்படுகிறது.அதன்
நிறம் மணம் சுவை குணம் பற்றி நம் முன்னோர்கள்
தெளிவாக அறிந்திருந்தனர்.

நாளை நமக்கெல்லாம் தலைதீபாவளி

2005-10-31T07:45:00.000+03:00

தீபா வளி [ழி] ப்போக்கன்

எனக்கு இது தலை தீபாவளி
இந்த “வலைக்காதலி”யின் கரம்பற்றியபிறகு
வரும் தீபாவளி என்பதால்
இது தலைதீபாவளி!!!

நம்மில் பாதிக்குமேல் இந்தவருடம் தலைதீபாவளியாத்தான் இருக்கும்
எனவே எங்களுடன் சேர்ந்து ரிட்டயர்டு ஆன பெருசுகளும் கொண்டாட்டத்தில் கலந்துகொள்ள வாங்க வாங்க !!!

அண்டவெளி மீன் சுட்டிகள்போல்
வலைவழி ஆடும் உயிர்த்தொட்டில்கள்!

உன் வண்ணம் மாறிப்போனாலும்
எண்ணம் நிலைத்திருக்க மின்னும்
மெய்த்தடங்கள்!

முன்னூட்டம் பின்னூட்டமென
கண்ணோட்டம் காட்டும் காலமலர்கள்!

உன் எண்ணத்தோட்டத்தில்
வந்து விளை[னை]யாடும் பட்டுத்தென்றல்!

நிற்க்காத பூமியில் காற்றில்நீந்தும்
அந்தரத்து வலைக்குஞ்சுகள்!

சமத்துவச்சாரல் வீசும்
ஏகாந்த உலகம்!

கத்தியின்றி இரத்தமின்றி போர் நடக்கும்
சத்தமின்றி!

உனக்குள் உலகமா
உலகுக்குள் நீ உலாவா வென
ஊஞ்சலாட்டும் ஊர்க்குருவி!

மின் இழைவேலிக்குள்
கை வலிக்க ப்பாத்திகட்டி
விதைத்தல்,நடுதல்,ஒட்டுதல்,ஓட்டுதல்
வெட்டுதல்,கட்டுதல்,பதியம் என
பலவித்தைகள் செய்து
எல்லாப்பயிகளும்[எல்லாப்பிரியர்களும்]
விழையும் அந்தரத்தோட்டம்
பலபல கண் நீர் ஊற்றித் தழைக்கும்
கற்பகவிருட்சம்!

கண்பட்டால் சோகமென்பர் உலகர்
பிறர் கண்படவே வேள்வி செய்வர்
“பிளாக்கர்”!

உலகம் சுற்றும் வரை
ஊர்சுற்றும் உன் சொந்தம்[உண்மை ச்சொத்து]!

பாசப் பைங்கரங்கள் நேசப்பூக் கோர்த்து
வாழ்க வாழ்க
"தமிழ்மணம்" வாழ்கவென
மாலை சூ[ட்]டிக் கொள்வோம்!

என் கதைநாயகியே
நான் போன பின்னும் நீ
நின்று வாழ்கா!!!

மூலிகைச்செல்வங்கள் 2

2005-10-29T00:55:00.000+03:00

மணத்தக்காளி[மிளகு தக்காளி]
Solanum nigrum

நாம் உணவில் அடிக்கடிசேர்த்துக்கொள்ள வேண்டிய கீரைவகைகளில்
இதுவும் ஒன்று. உடலைத்தேற்றுவதுடன் வாய்ப்புண் குணமாகும்.[B1,B2 விட்டமின்கள் நிறைந்தது].

வயிறு சம்மந்தமான நோய்களுக்கு சிறந்தது.கோழை அகற்றும் மலமிலக்கும் தன்மை உடையது.

சிறுநீர், வியர்வையைப்பெறுக்கும்.தோல் நோய்க்கு சிறந்தது.
தூக்கம் உண்டாக்கும்.

இதயத்தை பலமாக்கும், நாட்ப்பட்ட கல்லீரல் மண்ணீரல் வீக்கத்தைகுறைக்கும்[தண்ணி அடிப்பார் கவனிக்க]
உடலில் ஏற்ப்படும் வீக்கத்தைக் குறையும்[அது எத்த நோயால் ஏற்ப்பட்டிருப்பினும்]

வியாதியிலிருந்து குணமடைந்தோர் உடல் தேற்றியாக
இந்தக்கீரையை பயன்படுத்திவரலாம்.

சுவையின்மையை போக்கி வாந்தி உணர்வைக்குறைக்கும்தன்மை மணத்தக்காளி வற்றலுக்கு உண்டு எனவே கற்பிணிப்பெண்கள்
குறைந்த அளவு மணத்தக்காளி வற்றல் பயன்படுத்தலாம்.

மூலிகைச்செல்வங்கள் 1

2005-10-27T01:00:00.000+03:00

மூலிகைச்செல்வங்கள்

நம் அனைவராலும் அறியப்பட்டதும் அன்றாடம் நாம்
பயன்படுத்தப்படுவதுமான மூலிகை மற்றும் உணவுப்பொருக்கள்
பற்றி எழுதலாம் என் எண்ணி முதலில் அருகம்புல்லிருந்து
ஆரம்பிக்கிறேன்
1.அருகம்புல் [Cynodon doctylon]

முழுத்தாவரமும் இனிப்புசுவையும்,குளிர்ச்சித் தன்மையும்
உடையது.உடல் வெப்பத்தை அகற்றும்,சிறுநீர் பெருக்கும்,குடல் புண்களை ஆற்றும்,இரத்தை தூய்மையாக்கும்,உடலை பலப்படுத்தும்,
கண் பார்வை தெளிவுபெறும்.அருகம்புல் பச்சையத்தில் அதிக அளவு
கரோட்டினாய்டுகள் உள்ளன.
இதைப்பற்றி மேலும்

“அருகம்புல் வாதபித்த ஐயமோ டீளை
சிறுக அறுக்கும் இன்னுஞ்செப்ப அறிவுதறும்
கண்ணோ யோடு தலைநோய் கண்புகை யிரத்தபித்தம்
உண்ணோ யொழிக்கு முரை” [அகத்தியர்]

அருகம்புல் சாற்றை தினமும் காலை குடித்துவர தோல் நோய்கள்,
இரத்தமூலம்,வயிற்றுப்புன்,சிறுநீர் எரிச்சல்,பெண்களுக்கு இரத்தக்குறைவால் ஏற்ப்படும் வெள்ளை,மருந்துகளினால் ஏற்ப்படும்
ஒவ்வாமை ஆகியன தீரும்.இதன் சாற்றை தனித்தும் பால்கலந்தும் குடித்துவரலாம்.

GEMS வாங்களாம் வாங்க!

2005-10-26T01:44:00.000+03:00

நவமணிகள் [GEMS]

பெரும்பாலான மணிகள்[முத்து,பவழம் தவிர்த்து] எரிமலைக்குழம்பிலிருந்து உருவானவை.இவை கனிம தாதுக்கள் ஆகும்.ஒளிவீசும் காரணத்தால் இது மணி எனலாயிற்று. மணி என்றால் ஒளி, அழகு எனப்படும்.

இந்தமணிகளின் வயது 100கோடி ஆண்டுகள்முதல் 500 கோடி ஆண்டுகள் வரை எனக் கணக்கீடு கூறுகிறது.பண்டைய மணிதன்
18 மணிகள் மட்டுமே அறிந்திருந்தான்.கணிமங்கள் 2000 வரை உள்ளன.இவற்றில் மணிகள் 85 மட்டுமே.இவற்றில் 16 மணிகள்
மட்டுமே நகைக்கு பயன்படுகின்றன.எந்த மணியும் 100% சுத்தமாக இருந்தால் நிறம் கிடையாது.மணிக்குள் தூசு போல் இருக்கும் தனிமம்தான் நிறத்தைத்தருகிறது. மணிக்குள் ஊடுருவும் ஒளி சிதறுவதால் ‘பளிச்’ என கண்சிமிட்டுகிறது.

மணிகளுக்குள் அமையும் தனிமத்திற்கேற்ப மணிகளின் நிறம் அமைகிறது. குரோமியம்-சிவப்பையும்,அலுமனியம்-பச்சை நிறத்தையும்,டைட்டோனியம்-நீலத்தையும்,இரும்பு-மஞ்சள் நிறத்தையும் தரும்.கடுமையான பொருட்க்களில் ஒளி ஊடுருவிச்செல்லும் போது அதன் வேகம் நொடிக்கு 1லட்சத்து 23 ஆயிரம் கி.மீ.ஆகும். மணியில்படும் ஒளியானது ஊடுருவி வெளியேற முடியாமல் எதிரொளித்து ஒளி வெள்ளமாக மின்னுகிறது. ஒளி ஊடுருவும் வேகம் குறையக்குறைய மணியின் தரம் உயர்கிறது.

இம்மணிகள் அந்நாளில் ஆற்றுப்படுகைகளிலும்,கடற்கரை மணலிலும் கிடைத்தன.மண்னுக்கு மேலே கிடைப்பது மணிகள்
மண்னுக்குள் தோண்டியெடுப்பது கனிமங்கள்.மணிகள் தனிமங்கள் பல இருந்தும் நவமணிகள் என ஏன் 9-ஐ மட்டும் நம் முன்னேர்கள் சிறப்பித்தார்கள் என்பது புரியவில்லை.

1.முத்து [PEARL]
உருண்டையாக முற்றுப்பெற்ற வடிவத்தினால் முத்து என்றாயிற்று. பெர்ல்-இந்த ஆங்கிலப்பெயர் பால் எனும் தமிழ் சொல்லிலிருந்து பிறந்தாகும். பாண்டியன் மனைவியின் காற்ச்சிலம்பு முத்துக்கள் உடையது[“யாமுடையச் சிலம்பு முத்துடை அரியே”சிலப்பதிகாரம்] அரி- பால் .

முத்துக்களில் ஆணிமுத்து,கட்டாணிமுத்து சிறந்தது.முத்தில் பழுப்பு, பச்சை,நீலம்,இளஞ்சிவப்பு,கறுப்பு நிறத்திலும் உள்ளன.
மழைத்துளி அல்லது பனித்துளி ஒன்று சிப்பியில் விழுந்து முத்தாகும் என்பது மக்கள் நம்பிக்கை ஆனால் கடலில் வெதுவெதுப்பான நீரோட்டமுள்ள இடத்தில் வாழும் சிப்பியின்உள்ளே சென்றுவிடும் மணல் புழுபோன்ற சிப்பியை உறுத்தல் செய்ய ஒருவித நீர்மம் [epithelium] சுரக்கிறது.பளபளப்பான சுண்ணாபுச்சத்துள்ள நீர்மம் மணலைச்சூழ்ந்து கெட்டியாகிறது.
இதுவே முத்தான “முத்தா”கிறது.

முத்தின் ஆயுள் 100 ஆண்டு முதல் 300ஆண்டுகள். இதன் வேதியல் பெயர் கால்சியம் கார்பனேட் …

2. பவழம் [CORAL ]
முத்துபோன்று கடலில் விளையும் ஒரு மணி பவழம். இதன் நிறம் பொதுவாக சிவப்பு என்றாலும் வெள்ளை,நீலம்,கறுப்பு நிறங்களிலும் உள்ளது.முத்தைப்போலவே வெதுவெதுப்பான நீர்ப்பகுதியில் பவழம் விளையும்.பவழப்பூச்சி[பாலிப்]எனும் கடல்வாழ் உயிரினம் கரையான்போல் கட்டும் புற்றே பவழப்பாறையாகிறது. இது பாறைபோல் இருக்காது,பல கொடிகள் கிளைகளையுடைய மரம்போல் இருக்கும். இதன் வேதியல் பெயரும்-கால்சியம் கார்பனேட் தான்.

3. வைரம் [Diamond]
ஆப்ரிக்கா,தென் ஆப்ரிக்கா நாடுகளில் அதிகம் தோண்டி எடுக்கப்படுகிறது.மண்னுக்கடியில் 1 கி.மீ ஆழத்தில் வைரம் கிடைக்கும்.சுத்தமான வைரம் நீரில் மிதக்கும்.நிறமற்ற வைரமே உயர்ந்த தரம்.இது பச்சை,சிவப்பு,மஞ்சள்,நீலம்,சாம்பல் நிறங்களிலும் கிடைக்கிறது.விலையுயர்ந்த வைரம் ஒரு சாதாரண கறித்துண்டுதான்,ஒரு துண்டு கரி,ஒரு துண்டு வைரம் இரண்டையும் எரித்தால் மிஞ்சுகின்ற சாம்பல் ஒரே தன்மையுடையது தான்.
இதன் வேதியல் பெயர்-கார்பன் இரும்பு ஆக்சைடு.

4. வைடூரியம் [Lapis Lazuli]
இது பூனைக்கண் எனவும் கூறுவர்.”தீதறு கதிர்”என சிலப்பதிகாரம் இதைக்கூறுகிறது.பொதுவாக இது பொன்னிறம் உடையது.

5. நீலம் [Saphire]
நீலநிறத்தின் காரணமாக இப்பெயர் பெற்றது.சங்ககாலத்தில் மணி என்றாலே நீலத்தைத்தான் குறித்தது.”நின்னது திகழொளி சிறப்பிருள் திருமணி”[பரி பாடல்]நீலமணிகள் வான்நீலம்,கடல்நீலம் எனவகைப்படுத்தப்படும்.இதில் வான்நீலமே சிறந்தது.நீலமணி ஆரஞ்சு,மஞ்சள்,பச்சைநிறங்களிலும் கிடைக்கிறது.அவற்றை சிவப்புநீலம்,கொம்புநீலம் என்பர்.
பால் பாத்திறத்தில் நீலக்கல்லைப்போட்டால் பால் நீலநிறமாக தெரியும்.இதுவெ உயர்ந்தநீலமாகும். இலங்கை நீலம்தான் உலகப்புகழ் பெற்றது.அமெரிக்காவில் வாஷிங்டனில் உள்ள லிங்கன்,கென்னடி சிலைகளின் முகம் மட்டும் நீலமணிகள்.
அலுமனியம் ஹைட்ராக்சைடு இதன் வேதியல் பெயர்.

6. மரகதம் [Emerald]
Emerald என்பது பாரசீகச்சொல் இத்ற்கு பச்சை என்பது பொருள்.பண்டைக்காந்தொட்டே மனிதன் அதிகம் விரும்பும் மணியாகும்.வைரத்தின் அளவுக்கு மதிப்புள்ளது.இதில் உள்ள குரோமியம் இதற்கு பச்சைநிறத்தைத்தருகிறது.
கொலம்பியா,வட கலிபோர்னியா பகுதிகளில் அதிகம் கிடைக்கிறது.
போராஸ் அலுமியம் ஆக்சைடு இதன் வேதியல்பெயராகும்.

7. மாணிக்கம் [Ruby]
அழகு,ஒளி,மினுமினுப்பு எல்லாவற்றிலும் வைரத்தை விட மாணிக்கம் சிறந்தது. வட மொழியில் இரத்தினம்,மற்றும் பதுமராகம்[தாமரைச்சிவப்பு] என்பர்.சிவப்பு நிறத்தைக்குறிக்கும்’ரூபஸ்’என்னும் இலத்தீன் சொல்லிலிருந்து ரூபி எனும் ஆங்கிலச்சொல் பிறந்தது.
“மழபாடியுள் மாணிக்கமே”என தேவாரம் பாடுகிறது.
“என் காற்சிலம்பு மணியுடை அரியே !”என்கிறது சிலப்பதிகாரம்.
இதன் வேதியல் பெயர்-அலுமனியம் ஆக்சைடு.

8. கோமேதகம் [Sardonyx or Hassinet]
நவ மணிகளில் விலை குறைந்தது கோமேதமே!
பசுவின் சிறுநீர் போன்ற நிறத்துடன் இருப்பதால் இப்பெயர் பெற்றது.
இதன் வேதியல் பெயர்-புளூரின் ஹைட்ராக்சைடு.

9. புஷ்பராகம் [Topaz]
‘ டோபாஸ்’ என்றால் மஞ்சள்கல் எனப்படும்.இது குறைந்தவிலையில் கிடைப்பதால் ஏழைகளின் வைரம் எனப்படும். இதன் வேதியல் பெயரும் புளூரின் ஹைட்ராக்சைடு தான்.

இந்த மணிகளால் யாருக்கு என்னபயனோ நகைக்கடை அதிபர்களுக்கே அதிக லாபம். ராசிக்கேற்ற கல் இது அது என மக்களைக்குழப்பி குளிர்காவேர் உலகெங்கும் பார்க்கிறோம். அறிவியல் அடிப்படையில் இந்தக்கற்களுக்கும் கிரகங்களுக்கும் எந்தவிதத்தொடர்பும் இல்லை.

சித்தமருத்துவத்தில் முத்து பவழம் பஸ்பமாக்கப்பட்டு ஒவ்வாமை,நுரையீரல் மற்றும் எலும்பு சம்மந்தமான நோய்களுக்கு வழங்கப்படுகிறது.

சு.ரா.அவர்களின் இறுதிச்சடங்கு

2005-10-22T09:32:00.000+03:00

சு.ரா.அவர்களின் இறுதிச்சடங்கு

சு.ரா. அவர்களின்”ஜே.ஜே.சில குறிப்புக்கள்” என்னை ஈர்த்த ஒன்று.அந்த புத்தகத்தை இப்போது மீண்டும் படிக்கத்தேடினேன் காணவில்லை. யாரிடம் கொடுத்தேனோ யார் சுட்டார்களோ அறியேன்.
சு.ரா. அவர்களின் மறைவை நினைக்கும்போது கண்ணதாசனின்

“ பாமர ஜாதியின் தனிமனிதன்
படைப்பதினால் என்பேர் இறைவன்..
......
நான் நிரந்தரமானவன் அழிவதில்லை
எந்தநிலையிலும் எனக்கு மரணமில்லை...”
என்ற வரிகளே நினைக்கு வருகிறது.
இந்த நாளிதழ் செய்தியுடன் அஞ்சலி செய்கிறேன்.

மனதைத்திருடியதில் சுட்டது

2005-10-20T02:04:00.000+03:00

மனதைத்திருடியதில் சுட்டது...

ஆண் இனம் குறைந்துபோகக்காரணம் !! சில...

இருந்தும் இல்லாமல் இருக்கின்றோம்

2005-10-16T10:18:00.000+03:00

மனிதனைத்தேடி

கோடான கோடி ஆண்டுகளாக கொஞ்சம் தலைசாச்சு
ஊர் சுற்றும் இந்த பூமிக்கு வடக்கு கிழக்கெல்லாம்
சொல்லித்தந்தான் மனிதன்.

சூரியன் நிலவு இடி மின்னல்
அதிசயம் கண்டு மிரண்டான் மிரண்டுதெளிந்தவன் அதிசயம்காட்டி
அடுத்தவன் விழியை அகலவைத்தான்!

அதிசயக்காரன் அடுத்தவன்
முதுகைக் குதிரையாக்கி
சவாரிசெய்யத்துவங்கினான்
சவாரி சுகமாய்த்தோனவே
சாட்டைகள் நிறைய வாங்கினான்!

வண்ணவண்ண சாட்டைகள்
வகைவகையாய்-
பூக்கள்கோர்த்தது,
தேனில்தடவியமுட்க்கள் பதித்தது,
பாம்புத்தோலில்பக்குவமாய் செய்தது.
செய்துகொடுத்தவனே
அடியும்வாங்கி
ஆகா! ஆகா! ஆனந்தமென்றான்.

அதிசம்காட்டியவன் அசந்தநேரத்தில்
புதியவன் வண்டியோட்டினான்
இளையவன் கண்களால் மக்களைக்
கட்டிப்போட்டான்.
கட்டுவதில் போட்டிவந்தவுடன்
கட்டுத்தரிகள் இடம்பெயர்ந்தன.

ஆடுகளும் மாடுகளும் கூட்டம் போட்டு
நல்ல மேய்ப்பனை தேடிப்போயின!
மேய்ப்பர்கள் கூட்டத்தில்
ஒப்பந்தமாச்சு
ரகசிய சாசனம் சட்டங்களாச்சு!!!

பிரபஞ்சவெளியில் கடுகளவுபூமி அதில் கால்வாசியே நிலப்பகுதி.அதிலும்
காடு,மலை,ஆறு என போனதில் எஞ்சிய மணல் அளவு மண்ணில்
மனிதன் ஏன் இப்படி???

இதற்க்காகவே மேலும் ஒரு கவிதை [கவிதை தானோ?]

கோவிலிலே தேடாதே மனிதா இறைவன்
மனக்கூண்டுக்குள்ளே கிடக்கிறானே மனிதா!
கூண்டைக்கொஞ்சம் திறந்துவிடு மனிதா!
உறங்கும் உள்அவனை உசிப்பிவிடு மனிதா!

உறக்கமதில் சிறு கனவே வாழ்க்கை
காலம் விழித்துக்கொண்டால்
முடிந்து போகும் வேட்டை!

தேடித்தேடி அலைவதெதை தோழா!
வாழ்வில் நிலையானது எது சொல் தோழா!

தொடக்கமதில் முடியும்
முடிவதிலே தொடங்கும்
அந்தரத்து அரங்கம் இந்தபூமி-உன்
சொந்தமொரு அணுவுமில்லை சாமி!

மதம் மொழி இனம் தேசம் எனக்கூவி
வெறியாடும் கூட்டமெல்லாம் போலி,
செயற்கைச் சாவுகளும்,
வறுமை,
பசி, பிணி நேர்வுகளும்
சரித்திர சாசணம் ஆக்குவதா நீதி?

அன்பே நிரந்தரம் !
அன்பு ஒன்றே ஆனந்தம்!
அன்பு கொடுப்பதும்
கிடைப்பதும் பேரின்பம் !

12 .கண் முன்னே கடவுள்

2005-10-09T01:30:00.000+03:00

வெறுமனே படம் காட்டாமல்
எனது நண்பருக்காக அன்று எழுதிய பாடலை இந்த படத்துடன்
பதித்தால் பொருத்தமாக இருக்கும் என்பதால் “மறுபதிப்பு” செய்கிறேன்.

இந்தப்பாடலைப்படிக்கும் முன்”வருஷமெல்லாம் வசந்தம்”
“எங்கே அந்தவெண்நிலா” பாடலை ஓடவிட்டு படித்தீர்களானால்
சுவையாக இருக்கும்.

தேவாதி தேவனே ! தேவாதி தேவனே !
தேவாதி தேவனே ! தேவாதி தேவனே !
முள்ளால் மலர்சூட்டியும்
வாடாமல ராகினாய்
தேவாதி தேவனே !
தேவா தி தேவனே ! தேவாதி தேவனே !

துன்பநிழலையும் இன்பமாய்க்காணுவாய்
தூய மனக்கடல்.. மாயக்கண்ணனே !
துயரக்குரல்களின் சோகம் மாற்றிடும்
தூய தூதனே! எங்கள் தேவனே !

ஆடுகள்மேய்ப்பது உன் தொழிலா!
மக்கள் மனங்களை துவைப்பது
உன் எழிலா!
துடுப்புகளில்லா பாய்மரமாய்
திசையின்றி ஓடும் வாழ்வினிலே

நானோர் பாவன் உந்தன் நேயன்
நல்வழி என்னைமாற்றுமைய்யா !என்றும்
நல்வழி என்னை மாற்றுமைய்யா !

தேவாதி தேவனே ! தேவாதி தேவனே !

அற்புத அண்டத்தில் ஆடும் பந்தென
கடுகெனபூமிதான் ஆனால் ஆட்டம் கோடிதான்

அமைதியை விரும்பிடும் அன்பர்கள் உலகமாய்
இதயத்தைமாற்றிடு எம்மை நல்லவராக்கிடு!

சிலுவைகள் சுமந்தாய் எமக்காக!
எந்தவலியையும் பழக்கனும் அதற்க்காக
மீண்டும் மறித்தாய் எதற்க்காக-அது
இயற்க்கையின் நியதி அதற்க்காக!

ஒற்றுமை வேண்டி உலகெலாம் சுற்ற
வல்லமை கொடு நல்லவனே!நல்
வல்லமை கொடு நல்லவனே!

தேவாதி தேவனே ! தேவாதி தேவனே !
தேவாதிதேவனே ! தேவாதிதேவனே !
முள்ளால் மலர்சூட்டியும்
வாடாமல ராகினாய்
தேவாதி தேவனே !

2005-10-07T04:05:00.000+03:00

கண்முன்னே கடவுள்

2005-10-06T22:35:00.000+03:00

கடவுளைக்காண வாரீர்

11.திரும்பிப்பார்த்தபோது...

2005-10-05T00:48:00.000+03:00

11. பழைய சோறும் வெங்காயமும்-1

இளைய வலைநண்பர்களை பார்க்கும்போது
சற்றுபொறாமையாகவே இருக்கிறது.அந்தக்காலத்தில்
இதுபோல் கணிணியோ வலைப்பக்கமோ இல்லாததால்
எனது 20 வயதுகளில் எழுதியதெல்லாம் நட்புவட்டத்துடன்
நின்று போனது.அந்தஏக்கத்தின்தாக்கமே இவைகள்.
சித்தனின் ஆட்டோகிரேப் சில உங்களுக்காக...[1975-1980]

1. மாமதம்

உலகின் அனைத்துமத ஏடுகளையும்
ஒன்றாய்க்குவித்து நெருப்பிட்டால்
அதில் குளித்து இன்றே நான்
சாகத்தயார்..

2. குழந்தைகள்

உன் பெற்றேரை நீ படுத்தியபாடெல்லாம்
வட்டியுடன் உனைப்ப்டுத்தவருகின்ற
அசல் தொல்லை..

3 சிறு கீறல்

அமைதியான குலம்தனிலே
கல்விழுந்து சிறு சலனம்
அலை ஓய்ந்து போனாலும்
மனத்தடியில் கல் கிடக்கும்..

4 மாதவிக்கொடிப்பூ

மாதவி நினைத்திருந்தால்
மாநகரம் பெற்றிருப்பாள்
மாதவனைத்தான் நினைத்தாள்
மாமணிமாலை பெற்றெடுத்தாள்

தோன்றிவந்த குலமோ கணிகை
வேறூன்றி வளர்த்தாள்அன்பை தாரகை
கோவலன் என்பான் அவளது மாளிகை
கோமகள் அவளொரு காவிய தேவதை

அனலில் இட்ட கண்ணாடி மீது-ஒரு
அமுதத்துளி வீழ்ந்தாலும் ஏது
சந்தேகம் என்னும் வினைத்தூது
மென் தேகம் வாடியதே-உயிரோடு

தாலிகொள்ளா நன் மனையாள்
போலியில்லா நெஞ்சினியாள்
வேலிக்கல்லாய் இருந்தமன்னன்
வேசிமுள்ளாள் என்று சென்றான்

சித்திரைப்பொன்மதி விழாக்காலம்
சிற்றிடையாழி[ளி]ன் எழிற்கோலம்
நித்திரையின்றி விழி பாவம்
நிறைந்த அன்பிற்கா பாலம்?

அவிழ்தக்கனவுகள் அவன் தந்தான்
மகிழ்ந்தகாலங்கள் மறந்துபோனான்
கவிழ்ந்தபடகாய் அவள் நிலைதான்
அவிழ்ந்தகூந்தலில் புதைமதிதான்

இனியவள் நெஞ்சின் திருக்கதவு
இனி யவள் வாழ்வில் கருக்கனவு
தனிமை வாழ்வில் புது உறவு
புனிதப்புத்தன் பூ வரவு...

5.பேதை

முகம் பார்க்கும்கண்ணாடியான கோதை
அகம் எங்கும் பருவத்தின் உணர்ச்சிக்கோர்வை

தன்முன்னே வந்தமன்னன் மன்மதனென்று
கண்முன்னே ஆயிரமாம் கற்ப்பனை கொண்டு

காலத்தின் விளையாட்டுக்கவிதை எழுதி
கோலத்தை வரைந்திடுவாள் காவியமென்று

காவியமும் ஓவியமும் கண்ணீரெழுத்தாய்
ஆனபின்னே வாடிடுவாள் காகிதப்பூவாய்..

6.காதல் பசி

காதலர்க்கு பசியேது!
காதலுக்குத்தான் பசி
ஆதலினாலோ
பலசமையம்
காதலர்
உயிர்குடித்து காதல்வாழ்கிறது.?..

7.கடலை+காதல்> வைரஸ்

ஓய்ந்தமழையில்
சாய்ந்தபூவாய்
ஒவ்வொரு துளியாய்
மங்கைகரைந்தாள்!

மறந்தாயோ!
கல்லூரி மரத்தடியை!
காதல் மனச்செடியை!

இன்பக்கிளை நிழலில்
நாம் வறுத்தகடலையெல்லாம்
தேனாய்ச்சுவைத்ததன்றோ!
வறுத்தகடலையெல்லாம்
பழசாய்ப்போனதினால்
நானிறு கசந்தேனோ!

வாழ்வின் ஒத்திகையென்றாய்-இன்று
ஒத்திப்போட்டே வாழ்கின்றாய்!

உன் நினைவைக்கொஞ்சம்
உலவ விட்டுப்பார்
உல[ள]ரவில்லை இன்னும் என்
உதடுகள்!

காயம்செய்தாய் மாயம்செய்தாய்
கனவுகள்தந்து காலம்புதைத்தாய்!
நான்புதைந்து போனேன் –நீ
மறை[ற]ந்துபோனாய்!

தேர்வுடன் மறந்துபோகும்பாடமென
தேர் இவளைத் தெருவில்விட்டாய்!
"பட்டம்" வாங்கிவிட்டு
"நூல்" இன்றிப்பறப்பாயோ!

எத்தனை சினிமா போயிருப்போம்
முழுசாஏதும் பார்த்தோமா-உன்
மனத்திரையைக்கொஞ்சம்
விலக்கிப்பார்! சென்சார் காட்சிகளே
முழுநீளமாய் நீளும்!

பாட்டுப்போட்டியில் பாடலை
பாதியில் நிறுத்தியபோதும்
பரிசுதந்தாயே! இன்றும் நான்
பாதியிலே!

கல்லூரிப்பேருந்து கேள்வியற்று
கிடந்தபோது
நாம் மட்டும் பலமுறை
பயணித்தோம்!
இது உனது வாகனம்
பிறர் பயணிக்க விரும்புவையோ?

என் கண்களின் ஆழத்தில்
அடிக்கடி நீ மூழ்கிப்போவாய்
உயிர்கொடுத்துக்காத்தவளின்
மூச்சைப்பறிப்பாயோ!

மேத்தாவின் ”கண்ணீர்ப்பூக்களை”
பரிசளித்தவனே!இன்று நானே
“கண்ணீர்ப்பூ” எனை யாருக்கு
பரிசாக்கப்போகிறாய்!

அள்ளி என்றாய் தாமரையென்றாய்
நிலவென்றாய் கதிரென்றய்
இப்போதுபுரிகிறது நீ
இரவும்பகலும் ஒனறாய்
வேண்டுபவன் என்று!

“சித்திரை நிலவே மார்கழிக்குளிரே”
அன்று உரைத்தது இன்றுபுரிந்தது-நீ
கோடையும் குளிரும் ஒன்றாய்
கேட்ப்பவனென்று!

இறுதியாய் ஓர் வேண்டுகோள்!

உனது காதலித்தகடிதமெல்லாம்
கட்டிவைத்துக்காத்திருப்பேன்
சுட்டியென சொன்னவனே
எட்டியென நினைக்காதே!
எட்டி நின்று வாட்டாதே
கேட்டிமேளச்சத்தமிட்டு
கட்டிக்கொள்ள வந்துவிடு!

ஓய்ந்தமழையில்
சாய்ந்தபூவாய்
ஒவ்வொரு துளியாய்
மங்கைகரைந்தாள்!

நீங்க விரும்புனா
மீண்டும் வருவேன்!

சின்னவயசு சித்தன்

ஐம்பொறிகளும் ஆடும்மனிதனும்

2005-10-02T01:37:00.000+03:00

ஐம்பொறிகளும் அவுட்

இன்னும் பத்துஆண்டுகளில் தமிழ் நாட்டில்
பாதிப்பேருக்கு கண்,காது,மெய்,வாய்,மூக்கு
செயலற்றுப்போகும் வாய்ப்பு அதிகம் இருக்கிறது.

பிறக்கும் குழந்தைகூட அம்மாவின் முகத்தைவிட
கம்யூட்டர், டிவியைத்தான் அதிகம் பார்க்கிறது.
நம் தாத்தாவெல்லாம் நிலாவெளிச்சத்தில் படிச்சாங்க வாழ்ந்தாங்க, நம் வாரிசுகளோ குழல்விளக்கு இல்லாமல் தூங்கக்கூடப்போவதில்லை.

கண்ணாடி போடாத மக்களின்
எண்ணிக்கை குறைஞ்சுகிட்டேவருது.
வீட்டில் டிவி, பஸ்ஸில் டிவி,காலேஜ்ல டிவி,
டீக்கடை,ஹோட்டல் எங்க போனாலும் எதையாவது பாக்கனும்.
மனுசன யோசிக்கவே விடக்கூடாதுன்னு தான்
இத்தன சேனல்களோ! கண்கள் என்ன பாவம் செய்தன?

நம்ம ஊர் பஸ்ஸில் ஏரும்போது கட்டாயம் கொஞ்சம்
பஞ்சு எடுத்துப்போங்க!இல்லீன்னா உங்களுக்கு தலைவலி
நிச்சயம்,ஏன்னா அத்தனை சத்தமா ஆடியோ,வீடியோ
சாதனங்கள்.

பணம் படைச்சவன் முகமூடிக்காருக்குள்ள
சத்தம் காட்டறான்,பஸ் ஓட்டறவன் பஸ் சத்தத்தையும் மீறி
dts காட்டறான். கடை,பவர்லூம் பட்டறைகள்,
ஹோட்டல், பார்க், கோயில் எங்கெங்கு
கானினும் சப்த்தமடா! செல்போனுடன் அலைவதைப்போல்
நாளை செவிட்டு மிஷினுடன் தான் அலையப்போகிறோம்.

பாலை விட அதிக விலைகொடுத்து தண்ணி வாங்கறோம்
இன்னக்கி குடிக்க வாங்கறதையே நாளைக்கி குளிக்கவும்
வாங்கும் நிலைமை வரலாம்.[இப்போதே வசதிவீட்டு கல்லூரி
கண்மணிகள் சிலர் தலைக்குக்குளிக்க mineral watter ரை பயன்
படுத்துவதாக கேள்வி]

ஆறு ஓடிய பாதையெல்லாம்
சாயக்கழிவுகளும் பாலித்தீன் குப்பைகளுமாய்
ஆயிடுச்சிங்க.

ஆடு மேய்க்கும் சிறுவன் கூட
பாட்டிலில் தண்ணிகொண்டு போறான்னா பாருங்களேன்.
அந்த அளவுக்கு தண்ணிய நாம சுத்தமா வச்சிருக்கோம்.
வெய்யில் கொடுமையா காய்யுது,{ஓசோனை ஓட்டை
போட்டுட்டோம்}சுத்தமான தண்ணி குடிக்கவேகிடையாது.
தலைக்குக்கூட எண்ணை தேய்க்கறதில்ல
தோல் வியாதி வந்தா லேசில போகதுங்க.
பாவங்க நம்ம அழகுத்தோல்.

“பொதிகைமலை உச்சியிலே புறப்படும் தென்றல்” எல்லாம் போச்சுங்க
இப்பொல்லாம் “சாக்கடையின் மத்தியிலே சதிராடும் தென்றல்” தான்.
காற்றில் நச்சுத்தன்மை அளந்துசொல்வதோடு மறந்து போகிறோம்.

ஆஸ்த்மா,அலர்ஜி நோய்கள் நம்மை கொள்ளையடிக்கின்றன.
தூசியில்லாத காத்து வேணுன்னா ஒரு நாள் லீவ் போட்டுட்டு
கிராமத்துப்பக்கம் தான் போகனும்.மூக்குக்கு filter சீக்கிரம் வந்திடும்.

கண்போச்சு,காதுபோச்சு, சுவாசம்போச்சு, தோலின் மென்மைபோச்சு
வாய் மட்டும் இருந்து என்ன செய்யப்போவுது,பேசிப்பேசி சண்டை
வளக்கும்,கண்டதைத்தின்னு சொந்த சுவை மறந்து போகும்.

மெல்ல மெல்ல கொல்லும்[கொள்ளும்]விஷமெனத்தெரிந்தும்
பெப்சி கோக் பான்மசாலா மது புகை என வகைவகையாய்த்
தேடும்.உடலும்கெட்டு உள்ளமும்கெட்டு ஊரைக்கெடுக்கும்.

மொத்தத்தில் மனுசனுக்கு முக்கியமான ஐம்பொறியும்
மனுசனாலேயே கொஞ்சம் கொஞ்சமா செயல்குறஞ்சு
திணறிக்கிட்டிருக்கு...

மேலே உள்ளபடத்துக்கும் மேட்டருக்கும்

சம்பந்தம் ஒன்னும் இல்லீங்க..சும்மாதான்...

சுனாமி...காத்ரீனா...

2005-09-24T17:15:00.000+03:00

சுனாமி.. காத்ரீனா.. ரீட்டா..

பெயர் மட்டும் மாற்றிவரும்
பொய்முகமே! பேயகமே!

பூபாளவேளையில் உன்
வீட்டு வாசலில்
உடற்க்கோளம் போடுகிறாய் ஏனோ!
எங்கள் உயிர் உனக்கென்ன தேனோ!

கடல்தாயே நீ பெற்றெடுத்தாயா?
தத்தெடுத்தாயா இப் பிசாசுக்குட்டிகளை?

உயிர்களின் பிறப்பிடமே..
உயிர்ப்பழி கொள்ளுவதோ!

ஏ கடல் தாயே !
காலம் மறந்து கவலைகள் துறந்து
காத்திருப்போம் உன்காலடியில்
கால்வருடிச்செல்லும் நீ எம்
கால்வாரி விடலாமா!

தினம்தினம் உன் மடியில்
உறங்கும் குழந்தைகளை
உன் நீர் நாக்கால் உப்புப்பால் வார்க்க
எப்படி முடிந்ததோ!

பவழம் முத்தில் குளிக்கும் மாதா!
எம்மவர் உடல்களால் மாலை
கோர்த்ததன் மர்மம் என்ன?

கன்னி, காதலி, காவியதேவதை என
கவிகள் பாடிய தேவியே!
கல்லறைக்காளியாய்
மாறிப்போனாயே!

பஞ்சபூதங்களே உமை
பூந்தென்றலாய்,கோயில் தீபமாய்,
பூக்காடாய்,உயிர் நீராய் பூஜித்த எமக்க
ஓங்காரப்புயலாய்,எரிமலைக்குழம்பாய்,
பூகம்பக்காடாய்,சுனாமிப்பேயாய்
தரித்தபோது
திக்கற்ற பிரபஞ்ச
ரகசியம்உணர்ந்தோம்..

இயற்கையே!
உன் நிலை உணராது போலியாய்ப் போனோம்.
உன் சத்தி மறந்து சகலமும் செய்தோம்.
எம்மவர் கர்வம் கரைத்திடவே
எல்லாம் நான் என நாட்டியம்
ஆடிநையோ!

9 நட்புடன்

2005-09-22T01:43:00.000+03:00

ஜன்னல் தாண்டி
தென்னங்கீற்று தாண்டி
மென் பனிப்போர்வை மேகம் தாண்டி
குட்டிக்குட்டித்தாரகை நடுவே
எட்டிப்பார்க்கும் நட்புநிலா..

ஓட்டப்பந்தயத்தில்
நம் கால்கள் இடம் மாறி
உதைத்துக்கொள்ள
நாம் நண்பர்கள்..

நட்பின்
எண்னற்ற தருணங்களை
இழந்துவிட்டோம்

நாம் பெண் ஆண் என்பதால்..

கடவுள்&காதல்

2005-09-20T00:47:00.000+03:00

கடவுள்&காதல்

இதயம் மூளையை கருவறையாக்கி
கனவும் நினைவும் கலந்து பிறப்பது.
விஞ்ஞானமும் மெய்ஞானமும்தேடித்துருவி
விளங்காமல் விளக்குவது
முடிவற்று அழிவற்று
இனம் மொழி தேசமற்று
சோதனையும் வேதனையும்
வாடிக்கையாக்குவது.
ஒன்றுபட்டால் மதிமயக்கம்
தனித்திருந்தால் மனமயக்கம்.
இவை போல்
கொடுப்பதுமில்லை...
கெடுப்பதுமில்லை...

சின்னச்சின்ன...

2005-09-18T05:18:00.000+03:00

புதிய பேங்க் லாக்கர் கிடைத்தபிறகு
பழைய லாக்கர் காலியாகவே...!
யாரும் வராத எனது தமிழ்மணம்
PLOGபோலவே!
ஏன் அதை திரும்பத்தராமல்
வைத்திருக்கிறேன்!
என்றாவது யாராவது வருவார்கள்
தேவைப்படுத்துவார்கள் என்பதாலா!

என் விழிக்கும் தினமும் வானவில்!
ஓ! தூரத்தில் சூரியன் நீ!!!

உனது காய்ச்சலில் கொஞ்சம்
பங்கு கொடு!
உனது வலிகள் எனக்குள்ளும்
வர விடு!
உன் சோகங்களை எனக்குள்
புதையதுவிடு!
நம் காலங்கள் ஒன்றாய்
இணையவிடு!

7.சித்தர் பாடல் 1

2005-09-15T23:03:00.000+03:00

சித்தர் பாடல்கள்
பண்டைக்கால சிறுமியர் காதில் அணியும் குதம்பை என்ற அணிகலனாய் தன்னை பாவித்து பாடுவதாக அமைந்துள்ளது.
சமையங்கள் கடந்து பகுத்தறிவோடு ஆன்மீகத்தை மக்களுக்கு
வழங்கிய சித்தர்கள் பாடலை வலைஞ்ஞர்களுக்கு தருவதில்
மகிழ்ச்சி அடைகிறேன். இப்பாடலை நன்கு கவனித்தால் பக்தியின் போலித்தனங்களை சித்தர் நையாண்டியுடன் தோலுரித்தல் விளங்கும்.
குதம்பைச் சித்தர் பாடல்

வெட்டவெளி தன்னை மெய்யென் றிருப்பார்க்குப்
பட்டயம் (தாமிர சாசனம்) ஏதுக்கடி குதம்பாய் பட்டயம் ஏதுக்கடி?
மெய்ப்பொருள் கண்டு விளங்குமெய்ஞ் ஞானிக்குக்
கற்பங்கள் ஏதுக்கடி குதம்பாய் கற்பங்கள் ஏதுக்கடி?
காணாமல் கண்டு கருத்தோ டிருப்பார்க்கு
வீணாசை ஏதுக்கடி குதம்பாய் வீணாசை ஏதுக்கடி?
வஞ்சக மற்று வழிதனைக் கண்டோர்க்குச்
சஞ்சலம் ஏதுக்கடி குதம்பாய் சஞ்சலம் ஏதுக்கடி?
ஆதார மான அடிமுடி கண்டோர்க்குப்
வாதாட்டம்[வாக்குவதம்] ஏதுக்கடி குதம்பாய் வாதாட்டம் ஏதுக்கடி?
நித்திரை கெட்டு நினைவோ டிருப்பார்க்கு
முத்திரை ஏதுக்கடி குதம்பாய் முத்திரை ஏதுக்கடி?
தந்திர மான கலந்தனில் நிற்போர்க்கு
மந்திரம் ஏதுக்கடி குதம்பாய் மந்திரம் ஏதுக்கடி?
சத்திய மான தவத்தில் இருப்போருக்கு
உத்தியம்[யாகவகை]ஏதிக்கடி குதம்பாய் உத்தியம் ஏதிக்கடி?
நாட்டத்தைப் பற்றி நடுவணை சேர்வோர்க்கு
வாட்டங்கள் ஏதுக்கடி குதம்பாய் வாட்டங்கள் ஏதுக்கடி?
முத்தமிழ் கற்று முயங்குமெய்ஞ் ஞானிக்குச்
சத்தங்கள் ஏதுக்கடி குதம்பாய் சத்தங்கள் ஏதுக்கடி? உச்சிக்கு மேற்சென் றுயர்வெளி கண்டோருக்கு
இச்சிப்பிங்[விருப்பம்] கேதுக்கடி குதம்பாய் இச்சிப்பிங் கேதுக்கடி?
வேகாமல் வெந்து வெளியொளி கண்டோர்க்கு
மோகந்தான் ஏதுக்கடி குதம்பாய் மோகந்தான் ஏதுக்கடி?
சாகாமல் தாண்டித் தனிவழி போவார்க்கே
ஏகாந்தம்[தனிமை] ஏதுக்கடி குதம்பாய் ஏகாந்தம் ஏதுக்கடி?
அந்தரம் தன்னில் அசைந்தாடும் முத்தர்க்குத்
தந்திரம்[நூல்] ஏதுக்கடி குதம்பாய் தந்திரம் ஏதுக்கடி ?
ஆனந்தம் பொங்கி அறிவோ டிருப்பார்க்கு
ஞானந்தான் ஏதுக்கடி குதம்பாய் ஞானந்தான் ஏதுக்கடி?
சித்திரக் கூத்தைக் தினந்தினங் காண்போர்க்கு
பத்திரம்[இலை] ஏதுக்கடி குதம்பாய் பத்திரம் ஏதுக்கடி?
முக்கோணம் தன்னில் முளைத்தமெய்ஞ் ஞானிக்குச்
சட்கோணம்[அருங்கோணம்] ஏதுக்கடி சட்கோணம் ஏதுக்கடி?
அட்டதிக் கெல்லாம் அசைந்தாடும் நாதர்க்கு
நட்டனை[நடிப்பு] ஏதுக்கடி குதம்பாய் நட்டனை ஏதுக்கடி?
முத்திபெற் றுள்ள முயங்குமெய்ஞ் ஞானிக்குப்
பத்தியம்[பாட்டு] ஏதுக்கடி குதம்பாய் பத்தியம் ஏதுக்கடி?
அல்லலை நீக்கி அறிவோ டிருப்பார்க்குப்
பல்லாக் கேதுக்கடி குதம்பாய் பல்லாக் கேதுக்கடி?
அட்டாங்க யோக மாறிந்தமெய்ஞ் ஞானிக்கு
முட்டாங்கம் ஏதுக்கடி குதம்பாய் முட்டாங்கம் ஏதுக்கடி?
வேக மடக்கி விளங்குமெய் ஞானிக்கே
யோகந்தான் ஏதுக்கடி குதம்பாய் யோகந்தான் ஏதுக்கடி?
மாத்தானை வென்று மலைமே லிருப்பார்க்குப்
பூத்தானம்[புதுமை] ஏதுக்கடி குதம்பாய் பூத்தானம் ஏதுக்கடி?
செத்தாரைப் போகே திரியுமெய்ஞ் ஞானிக்குக்
கைத்தாளம் ஏதுக்கடி குதம்பாய் கைத்தாளம் ஏதுக்கடி?
கண்டாரை[மாந்தரை] நோக்கிக் கருத்தோ டிருப்பார்க்குக்
கொண்டாட்டம் ஏதுக்கடி குதம்பாய் கொண்டாட்டம் ஏதுக்கடி?
காலனை வென்று கருத்தறி வாளர்க்குக்
கோலங்கள்[அலங்காரம்]ஏதுக்கடி குதம்பாய் கோலங்கள் ஏதுக்கடி?
வெண்காய முண்டு மிளகுண்டு சுக்குண்டோர்க்
குண்காயம்[உடல்] ஏதுக்கடி குதம்பாய் உண்காயம் ஏதுக்கடி?
மாங்காய்ப்பா லுண்டு மலைமே லிருப்பார்க்குத்
தேங்காய்ப்பா லேதுக்கடி குதம்பாய் தேங்காய்ப்பால் ஏதுக்கடி?
பட்டணஞ் சுற்றிப் பகலே திரிவார்க்கு
முட்டாக் கேதுக்கடி குதம்பாய் முட்டாக் கேதுக்கடி?
தாவார மில்லை தனக்கொரு வீடில்லை
தேவாரம் ஏதுக்கடி குதம்பாய் தேவாரம் ஏதுக்கடி?
தன்னை யறிந்து தலைவனைச் சேர்ந்தோர்க்குப்
பின்னாசை ஏதுக்கடி குதம்பாய் பின்னாசை ஏதுக்கடி?
பத்தாவுந் தானும் பதியோ டிருப்பாருக்கு
உத்தாரம்[மறுமொழி] ஏதுக்கடி குதம்பாய் உத்தாரம் ஏதுக்கடி?
.... .... ... ....

கண்டாரை நோக்கி...[.கண்+தாரை+]பிறர் துயறம் துடைப்பதே
கொண்டாட்டம் எனவும் கொள்ளளாம்
மாங்காய் பால்...
உச்சியில் உள்ள ஆறாம்நிலை எட்டி குண்டலினி[பிட்யூட்ரி]தூண்டப்படுவதால் ஏற்ப்படும் ஞான நிலை பெற்றவனுக்கு சாதாரண தேங்காய்ப்பால் தேவையா?
பட்டணம் சுற்றி ... [பட்டு+அணம்]கோவணம் ]எளிமையான உடைதறிக்க வேண்டியவனே [ஞானி] முட்டாக்கு போட்டுக்கொண்டு மூடு மறைவான வாழ்க்கை எதற்காக ?
தாவாரம்...
படிக்காமல் ஊர்சுற்றிவிட்டு பாஸ் வேண்டும் மாணவனாய்
பக்திப்பாட்டு பாடுவதால் மட்டும் சுக வாழ்க்கை கிட்டுமா?

தாவாரம்-தா-துன்பம் வாரம்-பங்கு வீடு-விடுதலை
தேவாரம் பாடுவதால் மட்டும் இத்துன்பவாழ்விலிருந்து நீ விடுதலைபெற முடியாது,பிறர் படும் துன்பத்தில் உன் பங்கே
நீ இறைவனுக்கு செய்யும் வழிபாடு.
பத்தாவும் தானும்...தலைவனும் தலைவியுமாய் இல்லறம்
காணுவதே சிறந்த பத்தி.பெண் தான் இல்லம்.எல்லா ஆசை அறங்களின்
முடிவும் இல்லறமே. மக்களிடம் செய்யும் அன்பே உண்மையான பத்தி.

வைரமுத்துவுக்காக

2005-09-08T17:25:00.000+03:00

வைரமுத்து.....1

படைத்தோனே... படைத்தோனே...
ஏன் படைத்தாய் இத்துனைய் மெல்லியதாய்
பாவையர் இடை
கையூட்டுப்பெற்றனையோ!
தசைக்கோர் குறைவுமுண்டோ?

கையூட்டும் பெறவில்லை
சதைக்கோர் குறைவுமில்லை
இடையின் தசை எடுத்து
ஈடு செய்தேன் சற்றுயரே...!

இந்த வங்கதேச நாட்டுப்பாடலை
எங்கோ கேட்ட ஞாபக வருகிறதா?
ஜீன்ஸ் திரைப்படத்தின் வைரமுத்துஅவர்களின்
வரிகள் இதோ
அன்பே அன்பே ... ... .....
....பெண்ணே உந்தன் மெல்லிடை பார்த்தேன்
அடடா பிரம்மன் கஞ்சனடி
சற்றே நிமிர்ந்தேன் தலைசுற்றிப்போனேன்
ஆஹா அவனே வள்ளலடி........

காவல் தெய்வம்

2005-09-05T04:07:00.000+03:00

தினத்தந்தி 2.9.05

கற்பழிப்பதை தடுக்கும் கருவி
ஜோகன்ஸ்பர்க்,செப்-2
கற்பழிப்பதை தடுப்பதற்காக நவீன கருவி ஒன்றை தெனாப்பிக்காவைச்சேர்ந்த சானட் எத்லர்ஸ் என்பவர் கண்டுபிடித்து இருக்கிறார்.
மாதவிலக்கு காலத்தில் பெண்கள் அணியும் பஞ்சு போல இதை அணிந்து கொள்ளாம்.இந்த கருவி பெண்கள் கற்பழிக்கப்படாமல் பாதுகாக்கிறது.கற்பழிக்கமுயற்சி செய்பவர்களின் உறுப்பை கொக்கி இழுப்பது போல இழுத்துவிடும். பிறகு ஆஸ்பத்திரிக்கு சென்றுதான் அதை அகற்ற முடியும். தெனாப்பிக்காவில் ஆண்டு தோறும் 50ஆயிரம் பேர் கற்பழிக்கப்படுவதாக போலீஸ் ஆவணங்கள் தெரிவிக்கின்றன. ரேபக்ஸ் என்ற இந்தக்கருவியை கண்டு பிடித்திருக்கும் சானட் ஒரு பெண் அவர் கூறுகிறார்-பெண்கள் கற்பழிக்கப்படுவதை தடுக்க இதுவரை எதுவும் செய்யப்படவில்லை,அதை தடுக்க இது தான் சரியான நேரம்.

சானட் வாழ்க..... பெண்மையை நேசிக்கத்தெரியாத வக்கிர கொடூரர்களுக்கு கத்தரி வருகிறது.

முதல் கவிதை

2005-09-01T10:35:00.000+03:00

82 ஜீன் `கணையாழில்`
வெளிவந்த எனது
பூபாளம்.......

நல்ல மேய்ப்பன் [good shepherd]

நீ ஆடாக இருக்கும் வரை
அவன் மனிதன் தான்
நீயும் மனிதனாகிவிடு
அவன் மனிதனா மிருகமா
தெரிந்துவிடும் .......

என்னைப்பற்றி

2005-09-01T10:28:00.000+03:00

ஈரோடு மாவட்டத்தில் பெருங்கதை
அரங்கேறிய விஜயமங்களம்
என்ற ஊரிலிருந்து 5 கல் தொலைவு எனது சிற்றூர்.
கல்லுரிக்கதைகள்- தாமிரபரணிக்கரைகள்
சொல்லித்தந்த சித்தமருத்துவம்.
கொஞ்சம் கவிபாடச்சொன்னது
`செம்மலரும்’` கணையாழி’யும்.
உம்மிடம் பேசவந்தது நட்பின்
இலக்கணம் வேண்டி, தமிழ்மண
சுவாசம் நாடி .........

அறிமுகம்

2005-08-29T06:09:00.000+03:00

நெஞ்சில் கலந்து
நெருப்பில் வெந்து
நினைவில் வாழும்
நீல மலருக்கு அர்ப்பணம்